Ang Grupo nga mga Appointment sa Templo Mahimong I-eskedyul sa Online

Ang mga Santos sa Ulahing mga Adlaw makahimo na karon sa pag-eskedyul og grupo nga mga appointment alang sa tanan nga proxy nga mga ordinansa gamit ang online nga sistema alang sa mga appointment sa templo. Ang sistema sa una makatugot lamang og grupo nga mga appointment alang sa mga ordinansa sa proxy nga bunyag ug pagselyo.

Kining bag-ong feature usa ka gihangop nga dugang alang sa pamilya ug mga higala nga gusto nga magdungan sa pagtambong sa templo. Ang mas dagko nga mga grupo sama sa mga ward ug mga stake gihangyo sa pagpadayon sa pagpareserba pinaagi sa email o telepono.

Kon mag-eskedyul og appointment, butangi og tsek ang kahon nga dunay label nga “dugang nga mga bisita” ug i-type ang gidaghanon sa lalaki ug babaye nga mga miyembro nga motambong. Ang maximum nga gidaghanon sa grupo magkalahi sa matag templo ug gibase sa kapasidad.

Ang mga temple worker makakita sa appointment kon ang mga bisita mosulod agi sa recommend desk ug mogiya sa mga bisita kon sila moabot.