Dali, Sunod Kanako

Mga Buhat 2

Giunsa Nimo Pagsunod ang Doktrina ni Kristo?

agianan nga naghulagway og lima ka dapit sa doktrina

Paghulagway pinaagi ni Vicky Scott

Human sa paglukop sa Espiritu sa adlaw sa Pentecostes, si Pedro ug ang ubang Apostoles mipamatuod ni Kristo ug nagtudlo sa Iyang doktrina. Ang mga tawo mora og “gikumot ang ilang kasingkasing” ug nangutana, “Unsa may among buhaton?” (Mga Buhat 2:37). Si Pedro midapit kanila nga maghinulsol ug magpabunyag, dawaton ang gasa sa Espiritu Santo (tan-awa sa Mga Buhat 2:38). Mga 3,000 ka tawo ang “mituo sa iyang mensahe ug nagpabunyag” (Mga Buhat 2:41).

Ang pagsunod sa doktrina ni Kristo mas makapaduol kanato ngadto Kaniya. Ikonsiderar ang pagpamalandong kon unsaon nimo pagsunod kining lima ka mga dapit sa doktrina:

1. Hugot nga Pagtuo ni Ginoong Jesukristo: Unsa nga mga naandan ug mga kalihokan ang nakatabang sa pagpadilaab sa imong pagtuo ni Jesukristo?

2. Paghinulsol: Giunsa nimo paghimo ang paghinulsol nga usa ka malipayon nga proseso?

3. Pagbunyag: Unsa ang imong gibuhat aron masunod ang imong pakigsaad sa bunyag?

4. Gasa sa Espiritu Santo: Unsa nga mga palibot ug mga kalihokan ang naghatag kanimo og labing maayo nga kahigayonan alang sa mga pag-aghat sa Espiritu?

5. Paglahutay hangtod sa kahangtoran: Sa unsang paagi nga ang paghupot sa imong mga pakigsaad, pagbaton og paglaom ni Kristo, ug lig-on nga pagkupot sa gunitanan nga puthaw nakatabang nimo nga makalahutay sa lisod nga mga pagsulay? Tan-awa sa Jeremias 17:7; 2 Nephi 31:20; Ether 12:4.

“Ang doktrina ni Kristo ang nagtugot kanato nga makagamit sa espirituhanong gahom nga mobayaw kanato gikan sa atong kasamtangang espirituhanong kahimtang ngadto sa usa ka kahimtang diin kita mahimong hingpit sama sa Manluluwas.”

Si Brother Brian K. Ashton, kanhi Ikaduhang Magtatambag sa Kinatibuk-ang Kapangulohan sa Sunday School, “Ang Doktrina ni Kristo,” Liahona, Nob. 2016, 106.