Mahinamong Nagpaabut sa Tulo Ka Bag-ong Magasin
Ang mga kausaban sa mga magasin sa Simbahan naghatag og timailhan sa tibuok kalibutan nga paglambo sa Simbahan.
Sama sa balaan nga kompas nga kini gihinganlan (tan-awa sa Alma 37:38–45), ang Liahona nga magasin nagtinguha sa paggiya sa mga mambabasa niini ngadto sa atong Manluluwas, si Jesukristo. Karon mao kini ang sinugdanan sa usa ka bag-ong yugto isip kabahin sa makapahinam nga mga kausaban sa mga pamantalaan sa Simbahan. Sugod sa sunod bulan, ang Simbahan momantala og tulo ka tibuok kalibutan nga mga magasin: ang Liahona alang sa mga hamtong, Alang sa Kalig-on sa mga Kabatan-onan nga magasin alang sa mga kabatan-onan, ug ang Higala nga magasin alang sa mga kabataan. Depende sa pinulongan, ang mga magasin mahimong maanaa na matag bulan o matag sunod bulan. Kon kasamtangan ka nga tig-subscribe sa Liahona, ang imong subskripsyon awtomatik nga magpadayon sa sunod tuig kon asa kutob ang imong subskripsyon. Kon ang imong pamilya ganahan nga makadawat sa ang Higala o sa Alang sa Kalig-on sa mga Kabatan-onan nga mga magasin, mahimong mag-subscribe ka sa lokal nga distribution center o sa store.ChurchofJesusChrist.org. Ang mga ward ug mga branch giawhag nga mohatag og mga subskripsyon ngadto sa bag-ong nabunyagan nga mga miyembro ingon man sa mga kabataan ug kabatan-onan nga nagsimba nga wala ang ilang mga ginikanan.
Tan-awa kining mga feature sa magasin ug ikonsiderar kon sa unsang paagi kini makapanalangin kaninyo, sa inyong pamilya, ug mga higala.
Ang Liahona: Alang sa mga Hamtong
Mga mensahe gikan sa mga lider sa Simbahan
Mga kasinatian gikan sa matinud-anong mga miyembro
Mga artikulo nga makatabang sa pagtuon sa Dali, Sunod Kanako
Mga sukaranan sa ebanghelyo alang sa bag-ong mga miyembro
Mga gisukip nga adunay mga balita ug mga feature gikan sa inyong dapit
Alang sa Kalig-on sa mga Kabatan-onan nga magasin: Alang sa mga Kabatan-onan
Mga mensahe gikan sa mga lider sa Simbahan
Mga leksyon nga naggamit og mga butang alang sa home evening
Mga tubag sa mga pangutana gikan sa kabatan-onan
Mga artikulo mahitungod sa media, mga sumbanan, mga higala, ug ubang importante nga mga hilisgutan
Ang Higala: Alang sa mga Bata
Mga mensahe gikan sa mga lider sa Simbahan
Mga kalihokan alang sa mas gagmay nga mga bata
Mga istorya nga sinulat sa mga bata
Mga artikulo nga magpalambo sa pagsabut sa ebanghelyo
Artwork sa mga bata