Elda Brent H. Nielson
Presidensi blong Olgeta Seventi
Wan long ol impoten lesen we Elda Brent H. Nielson i bin lanem afta we wan memba blong famli i lego Jos blong samfala yia, i we, evriwan long ol pikinini blong God, oli nidim lav blong Sevya, mo oli nidim hiling paoa blong Atonmen blong Hem.
Taem hem i bin stap stadi long Luk 15 wetem famli blong hem long tetaem ia, Elda Nielson i harem paoa blong blong pikinini we i go lus long wan niu wei.
“Blong sam risen, oltaem mi stap luk mi olsem boe ia we i bin stap hom. … Be long moning ia, mi luksave se, long sam wei, mi nao mi pikinini we i go lus,” hem i talem. “[Yumi]evriwan i mekem nogud finis, mo stap afsaed olgeta long ol gudgudfala fasin blong God (luk long Rom 3:23). Yumi evriwan i nidim Atonmen blong Sevya blong hilim yumi. Yumi evriwan i lus mo wantem se bae oli faenem yumi.”1
Elda Brent Hatch Nielson, we oli bin sastenem hem olsem wan memba blong Presidensi blong Olgeta Seventi long namba 3 Oktoba 2020, i folem rilis blong Elda L. Whitney Clayton, we oli givim hem wan emeritus posisen.
Elda Nielson i bon i kam long wol ia long Beli, Aedaho, YSA, long namba 8 Disemba 1954. Taem hem i yangfala, hem i mekem fultaem misin blong hem long Finlan. Hem i maredem Marcia Ann Bradford long Jun 1978 long Sol Lek Tempol. Tufala i papa mo mama blong sikis pikinini.
Elda Nielson i winim wan digri long saed blong Inglis long Brigham Yang Yunivesiti long 1978. Long 1981, hem i bin kasem dokta digri long saed blong loa long Yunivesiti blong Yuta. Afta long hemia, hem i bin wok olsem wan loya mo patna insaed long wan loa kampani long Twin Falls, Aedaho, YSA blong kolosap 30 yia.
Elda Nielson i bin stap olsem wan kaonsela long Pasifik Eria mo Filipin Eria mo olsem Filipin Eria Presiden. Stat long 2015 go kasem 2020, hem i wok olsem long Eksekutiv Daerekta blong Misinari Dipatmen.
Bifo long koling blong hem olsem wan Jeneral Atoriti Seventi long manis Epril 2009, hem i bin stap olsem wod Yang Man presiden, bisop, hae kaonsela, kaonsela insaed long stek presidensi, stek presiden, mo Eria Seventi long Aedaho Eria.