Ang Gamay nga Karomata sa Pan
Ang tagsulat nagpuyo sa Vermont, USA.
“Kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios” (Mosiah 2:17).
Mibuka si Sammy sa iyang mga mata ug nanghuy-ab. Makasimhot siya og usa ka butang nga lamian.
Mmmm, si Papa naghimo og pan! Naghunahuna ni Sammy.
Si Papa magluto og pan alang sa pamilya matag Sabado. Ganahan si Sammy motan-aw niya nga mokuha sa kagumkom nga tabonon nga mga tinapay gikan sa hudno. Kanunay ihatag ni Papa kang Sammy ang unang hiwa.
Apan dili Sabado karon, hunahuna ni Sammy. Nganong nagluto man si Papa?
Mibangon si Sammy ug miadto sa kusina. Nangutana siya ni Papa unsay nahitabo.
“Nakahinumdom ka unsa ang gihangyo sa atong bishop kanato sa pagbuhat?” Nangutana si Papa.
Mitando ni Sammy. “Mihangyo siya kanato sa pagtabang sa mga tawo. Ug gitabangan nako si Sister Martin nga dad-on ang iyang bag sa taas, nakahinumdum ka?”
“Maayo ang imong gibuhat,” miingon si Papa. “Nag-ampo ko mahitungod kon unsaon nako nga makatabang. Naka-ideya ko nga magluto og pan aron ipakigbahin.”
Mitan-aw si Sammy sa bintana sa hudno. Giihap niya ang mga piraso sa pan.
“Usa … duha … tulo … upat. “Kinsay imong tagaan sa pan?”
“Usa kana ka butang nga nagkinahanglan ko sa imong tabang,” miingon si Papa. “Adunay usa ka tinapay alang kang Sister Martin. Ug duha ka tinapay alang sa pamilya Miller. Kinsa man ang tagaan sa ikaupat nga tinapay?”
Naghunahuna si Sammy mahitungod niini.
“Unsa kaha kon si Mr. Lee?” Nangutana si Sammy. Nagpuyo si Mr. Lee sa ilang apartment building. Dili kaayo siya mogawas. Kasagaran motan-aw lang siya sa mga tawo gikan sa iyang bintana.
“Nindot kana nga ideya!” miingon si Papa.
Human naluto ang tinapay, mitabang si Sammy ni Papa sa pagputos sa pan. Dayon iyang gikuha iyang karomata. Gibutang nila ang mga tinapay sa sulod.
“Andam na gayud ang karomata sa pan nga modagan!” Miingon si Sammy.
Gitabangan ni Papa si Sammy sa pagguroy sa karomata. Nindot ug init ang gibati sa kasingkasing ni Sammy, sama sa pan nga ilang ipakigbahin!