Kabatan-onan

Litrato pinaagi ni Raul Sandoval

Labaw sa tanan, ganahan kong magluto. Mohimo ako og mga pastry, mga cupcake, gagmay nga mga cookie, karne ug kan-on nga mga putahe—bisan unsa, gayud! Ganahan usab ko nga motudlo og mga klase. Ganahan ko matag higayon nga dapiton ko sa pagtudlo og klase sa Young Women.

Mianhi ko sa AKK [Alang sa Kalig-on sa mga Kabatan-onan] nga komperensya tungod kay ako adunay usa ka pangutana nga gusto nakong matubag. Ako adunay usa ka scholarship sa pag-eskwela sa kolehiyo, apan gibati nako nga kinahanglan ko moserbisyo og misyon. Kon magmisyon ko, mawala ang akong scholarship. Apan kon magpabilin ko ug mahimong usa ka magtutudlo, makatrabaho ko ug makabayad sa akong pag-eskwela sa samang higayon. Atol sa AKK, usa ka sister ang naghisgot mahitungod sa iyang patriyarkal nga panalangin. Nangandam ko sa pagdawat sa akong patriyarkal nga panalangin karon, ug naglaum ko nga kon madawat na nako kini, ako mas mahibalo kon unsay giplano sa Langitnong Amahan alang kanako. Ganahan ko sa mga programa sa kabatan-onan ug sa AKK tungod kay kini makapalig-on sa kabatan-onan. Tungod kay ang kamatuoran mao nga, nagkinahanglan kitang tanan og kalinaw.

Sa makadiyut human ako mabunyagi, ako mohunong sa pagsimba, dayon mobalik sa makadiyot, dayon mohunong pag-usab. Apan ang mga miyembro sa ward mibisita kanako ug midapit kanako sa pagbalik. Misulti sila kanako nga ang Simbahan ug ang mga miyembro gimingaw ug nagkinahanglan kanako. Mihukom ko nga mobalik, ug nahimo na ko nga aktibo sukad niadto. Nakaamgo ko kon unsa ka dako nako nga gikinahanglan ang Simbahan. Mahimo akong mag-ampo sa Langitnong Amahan ug mobati og maayo, ug makabati ko sa Espiritu. Ug busa ania ako!

Adriana T. (layo sa wala), 17 anyos, Dominican Republic