Unimwaane Ciro Schmeil

Mataniwi ni Kabuta n te Itingaun

Unimwaane Ciro Schmeil n taainako ao e kataia n ongotaeka iroun te Uea, e ngae ngke e aki ataia bwa tera bukin te tua ae onoti. “Ngkai ti ongotaeka, ngkai ti kawakin tuua, “te Uea e na kakabwaiaira n taainako.”

Kakoroan nanon weteana, e a tia n noori kakabwaia ake a roko man te ongotaeka. Inanon ana beku ngke e riki bwa te bitiobi ao te beretitenti n te titeiki, e rangi ni mwaiti tibwanga ake e kawakin n “nooria aomata ni bitaki maiuia ibukin aia koaua iroun te Tia Kamaiu ao ana Boki Moomon.”

Unimwaane Schmeil e bungiaki n Eberi 16, 1971, i Ponta Grossa, Paraná, Brazil, irouia Bruno ao Erica Schmeil, a uaia n rairaki nakon te Ekaretia. E ikawairake i Curitiba, Brazil, ao n te tai are a weteaki iai ana karo bwa a na tararua Brazil Campinas Mition, e nako ni karaoa ana beku i Utah Ogden Mition.

Inanon ana tai n reirei n te University i Utah, e kaitibo Unimwaane Schmeil ma Alessandra Machado Louza, ataein te reirei ae Brigham Young University, n tain te bootaki n taromauri. “Ngke ti moan kaitibo n tain te bootaki n taromauri, e bon aki kan kubarai neiei”, e taku. Ma iroun teuaei, bon te tangira n te moan itaramata.

A mareaki i São Paulo Brazil Tembora n Turai1994 ao a bane aia reirei i United States. A oki nako Brazil 20 te ririki imwaain mwaingiia nako Colorado, USA, ao imwiina nako Florida, USA. Unimwaane ao Titita Schmeil bon ngaiia kaaro ao uoman natiia.

Unimwaane Schmeil e reke ana bachelor of arts degree n te korotamneian te auti man te Iuniwetiri i Utah n 1995 ao n reke ana mwaatita tikurii ni kakoroi mooti ibukin bitineti ao tararua mai Ohio Iuniwetiri n 2010. E a tia ni mwakuri ibukin Walmart Brasil n riki bwa te kauoman ni beretitenti ao te tarekita ibukin karikirake n te kabooaba ma kateitei, n riki bwa te aobitia ni kamwakuri ibukin Scopel, n riki bwa te manatia ni kabuta ibukin Cia City, ao n ae aitibwa ngkai e riki bwa te mataniwi ibukin kabooaba ibukin JBS S.A.

Unimwane Schmeil e a tia ni beku bwa te Itingaun n te Aono, beretitenti n te titeiki, kauntira n te beretitentii n te titeiki, bitiobi, beretitenti n te kooram n unimwaane, ao te beretitenti n te mwaanga.