Kairake n Ikawai
Ti Kona ni Kabutanakoa Otan te Euangkerio
Tamnei iroun Weston C. Colton
Te kairake n ikawai bon te tai ibukin te rikirake, reken taai, ao te tai ni katauraoa ao ni katea maiun te aomata ngkana a roko n te roro ni kairake. Ao e kona te bwai anne ni kakukurei, kaingainga, ao ni kakamaku naba (ni koauana bon ibukira).
Ma ngkai tiaki atai kaekaaia nakon titiraki aika moan te kakawaki, iai te bwai teuana ae ti bane ni koaua iaona—bwa a tia n tainako kairake n ikawai n riki bwa te korakora ae kakaawaki n reitinakon Kaokan ana Euangkerio Iesu Kristo.
Ni bairean te mwakoro n te namwakaina aei, ti taetae ma kairake n ikawai n ira waakin ikotakin Iteraera. Ao ti a tia n rangi n nanorinano man aia tangira ibukin ao nanoia ae korakora nakon ana euangkerio Iesu Kristo. N aki tabe ma aia kaangaanga, kairake Aika Itiaki aikai a ataa tabeia ae kakawaki n te kabanea ni bong aei. Inanon “A Kanga Kairake n Ikawai ni Karaoa te Bitaki ni Kaokan Bwaai ae Reitinako” n te iteraniba 44, ko kona ni wareka aroia kairake n Ikawai mai India, Hungary, Barbados, Australia, ao te United States ni katauraoa te aonaaba ibukin Kauaokin te Tia Kamaiu.
Ni bwaai n reitaki te iti, e anga Cesar atatai aika nano bwa ti na kanga ni kona ni karekei ara kantaninga n riki bwa taan kairiiri aika nakoraoi. Lauri e taekina taekan kakabwaia aika ti karekei ngkana ti irii ana taeka n reirei te burabeti. Kairake n ikawai a tibwaua aia taneiai ma te mwakuri n ibuobuoki n te tembora, ibuobuoki, rongorongon te tembora, ao te mwakuri ni mitinare. Ao ti tibwauaa te katooto mairoun te kairake n ikawai i New Caledonia are e kamataata bwa a kanga membwa aika kairake ni karaoa ana mwakuri te Uea n ana tabo te Ekaretia aika uarereke riki.
Te tabo raa ae ko mena iai ao tera am kaangaanga aika iai ngkai, ko kona ni karaoa te bitaki ae korakora riki n ikotakin iteraera nakon are ko kona n iangoia. Ngkai kairake n ikawai ngaira, ngaira bon taan kairiiri n Ana Ekaretia nakon taai aika a na roko. Aia kekeiaki kairake n ikawai n te bong aei e na uotiira nakon te kerake ae korakora n tibwauakin te euangkerio ni kabuta te aonaaba nakon taai aika a na roko.
Raomi ni Koaua,
Chakell Wardleigh ao Mindy Selu
Ana Maekatiin te Ekaretia aia mwakoro eteta aika kairake n Ikawai