Te Ekaretia ibukin Zulma
Tao iai riki te bwai ae tangiria te Atua bwa e na ataia Zulma.
“Ukeuke, ao e na reke iroum” (3 Nibwaai 14:7).
E tekateka Zulma iaon te kaintekateka n te umantabu ao e kaitiaka ana kamumun n ana kaboraoi n te reirei. Te oota ae kara e ota rinanon te winto te kiraati ae kara, ao te kaibangaki e tei imatan te umwantabu. Zulma e reirei n ana reirei te aro, ngaia ae nako n taromauri uoua te tai n te bongina ma ataein te reirei ake tabeman. Zulma e tangira ana aro. E tangira Iesu ao e tangiria n reiakina Taekana.
E tekateka n aki kakarongoa ngke e a taetae te ibonga. Ma n te bong aei iai te bwai ae bitaki ae namakinna. N te tai ae waekoa e roko te iango ae boou n ana iango ao i nanona: E rawata riki te koaua ae tauraoi n te aonaaba.
Zulma e kamaki ana ari. Koaua riki? Tera ae nanonaki n anne?
E a manga roko riki te iango. Iai riki koaua.
E kamaki matana Zulma ao e kabanea ana iango iaon te bwai ae namakinna. E a tia n reirei taekan bwaai aika tamaroa n te taromauri. Ma ngkai e aki koaua ngkana iai te bwai ae bua. Tao e na iai riki te bwai ae tangiria te Atua bwa e na ataia. Ma e na kanga n ataia?
Imwiina e taetae nako mwanena ae ikawai riki, Alberto, ibukin ana iango.
“N am iango iai riki koaua n te aonaaba?” E titiraki Alberto.
E katotoua atuna Zulma. “I tangiria n reirei taekan aaro ake tabeua,” e taku.
“E raoiroi,” e kaeka Alberto. N na airi ma ngkoe!”
Inanon tabeua te ririki, Zulma ao Alberto a kawari aaro aika a kakaokoro. Imwin teuana te taromauri, e taku Alberto, “Te aro anne e reirei bwaai aika raraoi.”
E kaenga Zulma, ma a teimatoa n namakinna ae kanga iai te bwai ae bua, ngaia ae a teimatoa ni kakaae.
N te bong teuana Alberto e biri ni kabirimwaka iaon kaintamwaraken aia auti. “I a kunea te ekaretia ae ti ukoukoria!” E taku Alberto. E inga ma Zulma n ae korakora.
E kaurei matan Zulma. “Iaa? Ni kanga?”
“A kaitibo raoraou ma tabeman mitinare man Ana Ekaretia Iesu Kristo ibukiia Aika Itiaki ni Boong Aika Kaitira,” e taku Alberto. “I ongora irouia, ao I kakoaua te bwai ae a reireia!”
Zulma ao Alberto a rangin ni kukurei n te aro are a mwamwaie ni katobibia te auti. Ma ngkanne Zulma e karekei rongorongo aika a kananokawaki. E aki tangiria Mamá bwa e na kaitibo ma mitinare. “Ai tibwa 12 am ririki,” e taku Mamá. “Ko rangin ni uarereke.”
Ngkai e a ikawai riki Alberto, e kairiakaki bwa e na teimatoa ni kaitibo ma mitinare. Tabeua te wiiki imwiina, e bwabetitoaki.
E teimatoa Zulma n tuanga Mamá ngkana e kona n reirei mairouia mitinare. N tokina, e taku Mamá eng.
Ngke a reirei Zulma ma mitinare, e namakina te tangira inanona. Temanna te mitinare iai ana kaangaanga n te taetae n Spanish, ma bon tiaki te kangaanga. Te bwai ae kakaawaki bon kukurein Zulma n ana namakin. Ngke e kamatebwaia taekan Iotebwa Timiti ao Ana Boki Moomon, e ataia ae e a tia ni kunea te koaua are e kakaea!
E tangiria Zulma bwa e na bwabetitoaki. Ma tera ae e na taekinna Mamá? E rangin ni kukurei Zulma ngke e kangai Mama eng! N te bong are e bwabetitoaki iai, e kunnikaia Zulma n ae mainaina ni kabane. E ataia bwa te Atua e tangiria. E ataia bwa E kina. Ao e ataia bwa E a tia ni buokia ni kunea Ana Ekaretia ae kaokaki! ●
Aio Zulma ngke e uarereke. N te angatai bon tamneina n te bong aei ma kainabana, Unimwaane Walter F. González man te Itingaun.
Kamatata n te tamnei iroun Scott Wakefield