Te Ibuobuoki ma Kaokan Bwai

Iroun Beretitenti Russell M. Nelson

Anaaki man “Hope of Israel” (worldwide youth devotional, June 3, 2018), 19, HopeOfIsrael.ChurchofJesusChrist.org.

N 1820, Tamara are i Karawa ma Iesu Kristo a kaoti nakon Iotebwa Timiti. Tamara are i Karawa e taku, “Natiu ae Tangiraki teuaei. Ongo Irouna!” Kaokan te euangkerio e moanaki n te bong anne 200 te ririki n nako. E reitinako n te bong aei!

N te bong teuana ao e na manga oki Iesu Kristo nakon te aonaba. Aikai kawai aika aua ae ko kona ni ibuobuoki iai ma Kaokan Bwaai ao ni katauraoi ibukin te tai are e na oki iai Iesu:

Karikirakea am onimaki iroun Iesu Kristo.
Kakaea taekan am utu ao buoka karaoan te mwakuri n te tembora ibukiia.
Katauraoiko n nakon te tembora.
Buokiia aomata n reiakina taekan Iesu Kristo ao Ana Ekaretia.

Karaoan bwaai aikai e na buokia ni katauraoa te aonaaba ibukin te bong ae kakukurei ngkana e na manga oki Iesu! ●

Kamataata n te tamnei iroun Katie McDee