Kabatan-onan
Gilitratohan ni Randy Collier
Gusto gyud ko nga moapil sa Kabataan ug Kabatan-onan tungod kay ako makahimo sa akong mga tumong nga matuman.
Alang sa usa sa akong mga tumong, mipili ako sa pagpangita og mga ngalan sa pamilya ug sa pagpahigayon og mga bunyag sa mga patay alang kanila. Nagkinahanglan kini og dakong trabaho sa pagkat-on kon unsaon pagbuhat ang family history, apan nalipay kaayo ako sa matag higayon nga ako makakaplag og bag-ong ngalan nga dad-on ngadto sa templo.
Sa panahon nga nakat-unan ko ang pagbuhat niini, nagsige ko og trabaho tungod kay kini makalingaw. Sa wala madugay ako dihay daghan na kaayo og mga ngalan nga buhaton sa akong kaugalingon mismo. Busa tibuok pundok sa akong mga ig-agaw ug ako miadto sa templo dala ang mga ngalan nga akong nakaplagan, ug nag-uban among gihimo ang mga bunyag ug mga pagkumpirma alang sa 172 ka mga tawo.
Ang akong mga ginikanan nagtrabaho sa pagtapos sa nahibilin nga mga ordinansa sa templo alang niadto nga mga tawo, nga nindot tungod kay gibati nako nga ang akong tibuok pamilya usa ka team! Ang among tumong mao ang pagtabang og daghan sa among mga katigulangan kutob sa among mahimo.
Ang pagbuhat sa family history nakatabang kanako nga mahimong mas maduol ngadto sa akong buhi nga pamilya ug sa akong mga katigulangan. Malipayon ako nga nakompleto nako ang akong tumong, ug karon ako nanghinaut sa paghimo og usa pa ka mas mahagiton nga tumong aron ako makapadayon sa paghuman og mas daghan pa.
Eldon M., edad 13, Ohio, USA