Minahal nga mga Ginikanan,

Dear Parents

Kami malipayon sa pagsugod sa bag-ong tuig uban kaninyo! Magkat-on kita og dungan mahitungod sa Basahon ni Mormon. Unsa nga mga istorya sa Basahon ni Mormon ang gusto sa inyong pamilya? Palihug tabangi ang inyong kabataan sa pagdrowing og hulagway ug ipadala kini ngari kanamo (tan-awa sa pahina H3). Among ipakita ang pipila niini nga mga drowing diha sa magasin niini nga tuig! Ania ang ubang mga pahina mahitungod sa Basahon ni Mormon gikan niini nga isyu:

• Usa ka mensahe gikan sa mga propeta (pahina H2)

• Tsart sa pagbasa (mga pahina H12–H14)

• Usa ka istorya sa kasulatan nga kalihokan (pahina H16)

• Usa ka istorya mahitungod sa pamilya ni Lehi ug Sariah (mga pahina H20–H23)

• Usa ka istorya mahitungod sa usa ka batang lalaki kinsa nakakaplag og bag-ong paagi sa pagbasa sa Basahon ni Mormon (mga pahina H4–H5)

Malipayong Bag-ong Tuig!

Ang Higala

Unsaon Pagpadala sa Artwork o Kasinatian sa Inyong Anak ngadto sa Liahona

Adto sa liahona.ChurchofJesusChrist.org ug iklik diha sa “Submit an Article or Feedback.” O i-email kini ngari kanamo sa [e-mail] uban sa ngalan, edad, siyudad nga gipuy-an sa inyong anak, ug kini nga pamahayag sa pagtugot: “Ako, [isukip ang imong ngalan], mohatag og pagtugot sa Ang Simbahan ni Jesukristo sa mga Santos sa Ulahing mga Adlaw sa paggamit sa gisumiter sa akong anak diha sa mga magasin sa Simbahan, sa mga website sa Simbahan ug sa mga platform sa social media, ug posible sa mga report, sa giimprinta nga mga produkto, mga video, mga gimantala, ug mga materyal sa pagbansay.” Naghinam-hinam kami nga makadungog gikan kaninyo!