Ol Niu Rekomen Kwestin mo Ol Nara Tempol Nius

Ol niufala kwestin blong tempol rekomen intaviu, Presiden Russel M. Nelson nao i bin presentem long taem blong Oktoba 2019 Jeneral Konfrens (luk long pej 121). Ol standet blong tempol oli stap semmak, be sam long ol kwestin ia, oli jenisim toktok blong hem blong i kam klia moa. Ol stret lida blong Jos oli kasem finis wan leta blong Fas Presidensi we deit blong hem i 6 Oktoba 2019, we i tekem ol niufala kwestin ia.

Presiden Nelson i anaonsem tu ol plan blong gat eit niu tempol (luk long pej 79). Ol niu tempol ia bae oli stap long Fritaon, Siera Leone, Port Moresbi, Papua Niu Gini; Bentonvil, Akansas, YSA; Bakolod, Filipin; MakAlen, Teksas, YSA; Koban, Gwatemala; mo Orem mo Telasvil, Yuta, YSA.

Afta long Epril 2019 Jeneral Konfrens, oli bin dediketem long Kinsasa, Dimokratik Ripablik blong Kongo; Lisbon, Potugal, Poto Prins, Haiti; mo Fotalesa, Brasil; mo oli bin dediketem bakegen tempol long Oklan, Kalifonia, YSA; Memfis, Tenesi, YSA; Frankfet, Jemani; Oklahoma Siti, Oklahoma, YSA; mo Raleit, Not Kalifonia, YSA.

Oli brekem graon blong ol tempol long Yigo, Guam; Praya, Kabo Verde; San Ruan, Pueto Riko; Lima, Peru (Los Olivos); mo Belem, Brasil, mo ol ples we oli bin jusum blong ol tempol long Oklan, Niu Silan, mo Leiton mo Saratoga Spring, Yuta, YSA.

Oli mekem i kam pablik ol plan blong mekem gud Sol Lek Tempol, we bae i klos long Disemba mo bae i open bakegen long 2024, mo Sent Joj Yuta Tempol, we bae i klos long Novemba 2019 mo bae i open bakegen long 2022.