Minahal nga mga Ginikanan,

Dear Parents

Kining magasin karong bulana nagtudlo sa mga bata mahitungod sa sukaranang mga baruganan sa ebanghelyo (tan-awa sa Ang mga Artikulo sa Hugot nga Pagtuo 1:4):

• Usa ka babaye nga nakat-on sa paggamit sa iyang pagtuo (mga pahina H4–H5).

• Si Pablo mihatag og usa ka ehemplo sa paghinulsol sa dihang siya mipili sa pagsunod ni Jesus (mga pahina H20–H22).

• Usa ka koloranan nga pahina nagpahinumdom kanato nga ang atong bunyag mao ang kahigayunan sa pagsugod og bag-ong panaw uban ni Jesus (pahina H6).

• Si Presidente Eyring nagtudlo kanato nga ablihan ang atong mga kasingkasing ngadto sa Espiritu Santo (pahina H2).

Uban sa inyong mga anak, kamo makapangita niini nga mga baruganan samtang kamo magbasa sa magasin karong bulana. Tingali mahimo ninyong linginan o linyahan kini matag higayon nga inyong makita kini diha sa istorya. Nindot ni nga hisgutan isip usa ka pamilya!

Magpabiling matinud-anon,

Ang Higala

Unsaon sa Pagpadala sa Artwork o Kasinatian sa Inyong mga Anak ngadto sa Liahona

Adto sa liahona.lds.org ug i-klik ang “Submit an Article or Feedback.” O i-email kini ngadto sa [e-mail] uban sa ngalan, edad, siyudad nga gipuy-an, ug kini nga pamahayag sa pagtugot: “Ako, [isukip ang imong ngalan], mohatag og pagtugot sa Ang Simbahan ni Jesukristo sa mga Santos sa Ulahing mga Adlaw sa paggamit sa gisumiter sa akong anak diha sa mga magasin sa Simbahan, o sa mga website sa Simbahan ug sa mga platform sa social media, ug posible sa mga report sa Simbahan, sa giprinta nga mga produkto, mga video, mga publikasyon, ug mga materyal sa pagbansay.” Mahinamon kaming magpaabut nga makadungog gikan kanimo!