Feiā ’āpī
I te taime mātāmua ’a haere ai au i te ha’api’ira’a tuarua matahiti hope’a, e ’ohipa tā’u e tāfifi noa : ’ia ha’api’ihia mai te hō’ē tumu parau ’āpī, e mea fifi nō’u ’ia māramarama. I te hō’ē pō, ’ua pure au i te Metua i te Ao ra nō te tauturu iā’u ’ia māramarama ’e ’ia upo’oti’a i ni’a i terā fifi. E fa’aro’o tō’u, ’e ’ua noa’a iā’u ’ia māramarama maita’i a’e. Mai reira, tei ni’a noa te pure ’e te fa’aro’o i tā’u tāpura ’ohipa, i te ha’api’ira’a ’e i te mau vāhi ato’a e haere au. ’Ia haere ’oe i te hō’ē fare ha’api’ira’a nā te mau tamāroa, e riro ’ei mea fifi nō te ’ohipa vi’ivi’i tā te mau pīahi e rave. ’Ia tupu te reira, e ha’amana’o vau i te mau parau a tō’u nā metua : « ’Eiaha e rave i te hō’ē mea e arata’i ’ē atu i te Vārua Maita’i ». ’Ua māuruuru vau i tō’u māmā, tei fa’aha’amana’o noa iā’u ’ia fa’aro’o i te Vārua Maita’i. ’Ia rave tātou i te mea maita’i, e ha’amaita’i te Atua ia tātou.
Nyame S., 16 matahiti, Ghana