’Ia ora na nā Esetonia atu !
’O Margo ’e ’o Paolo māua. I teie matahiti tē rātere nei māua ’ati a’e i te ao nei nō te ha’api’i nō ni’a i te mau tamari’i a te Atua. ’A haere mai nā muri ia māua i tō māua tere i Esetonia !
Tei te mau pae Europa ’apato’erau ’o Esetonia. ’Ua hau i te 2 000 motu i reira. Fātata i te 1,3 mirioni ta’ata e ora nei i Esetonia.
Teie te parau « ’Ia ora na » nā roto i te reo Esetonia : Tere!’E teie te i’oa o te ’Ēkālesia : Viimse Aja Pühade Jeesuse Kristuse Kirik
’O Tallinn teie, te ’oire pū nō Esetonia. E 800 ti’ahapa matahiti tō teie ’oire ! E rave rahi mau vāhi ’ōviri, mai te mau uru rā’au ’e te mau ’aere, i Esetonia. Inaha ’ua hau i te ’āfara’a o Esetonia, e uru rā’au ana’e. E rave rahi ta’ata i Esetonia tei au e hāhaere nā roto i te nātura.
E aha te mā’a i te pō i Esetonia ? Tē vai ra te pua’a, ’aita ana’e te i’a vineta ’e te ’ūmara pūtētē, te pota, te ū pa’ari ’ava’ava ’e te faraoa ’ere’ere. E parauhia te reira te sprat sandwich.
E mea au ānei nā ’outou e hīmene i te Paraimere ? I te mau pae matahiti ato’a, e putuputu te mau Esetonia nō te hō’ē ’ōro’a rahi fa’ahanahanara’a i tō rātou fenua ma te hīmene ’e te ’ori.
E mea na’ina’i te ’Ēkālesia i Esetonia, e mea pūai rā. E tauasini ti’ahapa melo o te ’Ēkālesia. Te hiero piri a’e ia rātou, tei Helsinki ïa, i Finelani.
Fārereira’a e piti tuahine nō Esetonia mai !
I te hō’ē pō, ’ua hina’aro vau e haere e ta’oto, ’ua mo’e rā ta’u pea ha’avare. ’Ua ’imi au iāna, ’aita rā i ’itehia mai. ’Ua pure atura vau. ’Itehia mai nei ta’u pea ’e ’ua ta’oto maita’i au.
Bianka J., 7 matahiti
E mea au nā tō’u ’utuāfare e tāvini i te ta’ata. E tauturu te tāvinira’a ia tātou ’ia putapū i te Vārua Maita’i, ’o tē fa’atae mai i te hō’ē mana’o māhanahana nō te hau. E hāmani māua tō’u tuahine i te tahi mau tao’a hōro’a nā te ta’ata, nō te mea e mea au nā māua ’ia ’ite rātou ē, ’ua herehia rātou.
Piibe J., 10 matahiti
Māuruuru nō te haerera’a mai nā muri ia māua i Esetonia. ’A pārahi !