E le faatatau i Nofoa
Janessa Orgill
Iowa, ISA
Ata na tusia e Dan Burr
I le avea ai o se peresitene o Tamaitai Talavou, e leai se tasi na i ai i le lotu ina ua ou taunuu e faatulaga nofoa i le potu tele faafiafia i le po ae lei faia le gaoioiga a Tamaitai Talavou. Sa ou fitu masina o le maitaga, ma sa tatau ona ou faatulagaina nofoa toeitiiti lava na o au. Ae na vave ona oo mai lau failautusi ma se fesoasoani ma fesoasoani ia te au e faauma. Ona amata lea ona matou tautau i luga teuteu.
O le taimi lena na onoono mai ai le ulu o se tamaitai ma fai mai. “Ou te faamalie atu,” na ia fai mai ai, “ae ua uma ona fuafua le potu lenei e le Aualofa mo la matou vasega faamalositino nanei.”
Na matou fesili atu pe i ai se isi potu e mafai ona latou faaaogaina, ae o isi potu na faaaogaina uma. O lea na matou faia ai le mea lava e tasi e mafai ona matou faia: na matou tuu i lalo nofoa. Na ou alu i le fale i lena po ua le lava, ma le iloaina o le a ou toe faatulagaina nofoa i le taeao.
O nisi taimi e foliga faapea mai le olaga. Faatasi ai ma se pepe fou ma le toafa laiti, e foliga mai ou te faataamilo ou uili i le aso atoa ona ala mai lea e toe faia lava le mea lea e tasi i le isi aso. I soo se taimi lava, o loo i ai tamaiti e fafaga ma faaputuga o lavalava, meataalo, ma ipu e tuuese—ou te faatulaga nofoa ma toe teu i lalo. O lo’u olaga lena.
Ae pe faatatau ea i nofoa? Ao ou tuuina i lalo nofoa i le maea ai o le gaoioiga a Tamaitai Talavou, sa le mafai ona ou taofia le ataata ao mafaufau e uiga i na teineiti malie ma aulelei ua ou alofa faapelepele i ai. Sa ou faafetai mo le taimi sa ou faatasi ai ma i latou.
E faapena foi i le aiga. E le faatatau i le pata pinati ua olo solo i le nofoa po o totini e le maua lava se pea. E faatatau i lou tamai aiga, lea e faatumuina lou loto i le olioli.
Na fetalai mai le Alii: “O le mea lea, aua le faavaivai i le faia o mea lelei, ona o lo o oulua faataatiaina le faavae o se galuega tele. Ma o mea iti e tutupu mai ai mea tetele” (Mataupu Faavae ma Feagaiga 64:33).
Ua oo ina i ai se uiga tele o mea iti ia te au: o opo mai, pese e fatuina, valivaliga o valigao, musamusa atu i le pusameli ma toe foi mai, ma le aiina o falaoa ua mu ona sa faia faapitoa lava mo au.
Atonu tatou te faia ni mea e le manaia mai i lea aso i lea aso, e pei o le faatulagaina o nofoa ona toe teu lea i lalo. Ae e le faatatau i nofoa—e faatatau i tagata tatou te alolofa i ai e nonofo ai i luga o nofoa. E le faatatau i le galuega e fai—e faatatau i tagata tatou te auauna atu i ai. Pe a ou mafaufau ia i latou ma le tele o lou alofa ia i latou, ou te faafetai i le Alii mo le matagofie o le olaga ma mo a taeao, pe a ou ala ae ma toe faatulagaina na lava nofoa ma le fiafia.