Na Cava na Vuna Me Caka Tiko Kina na Soqoni ni Kuoramu kei na Soqosoqo ni Veivukei?

Ena iotioti ni gauna edaidai, e sa vakalesuia mai na Kalou na matabete ka tuva na veikuoramu vakamatabete kei na Soqosoqo ni Veivukei me vukea na vakayacori ni Nona cakacaka ni veivakabulai. Ena vuku ni ka oqo, ena vei Siga Tabu ni da sota vata mai ena soqoni ni kuoramu ni talatala qase kei na Soqosoqo ni Veivukei, eda na veivosakitaka ka tuvanaka na ka meda cakava me vukea na cakacaka ni Kalou Me mana kina, sa gadrevi ena veisoqoni oqo me uasivi cake mai na kalasi. Oqori e madigi talega meda veivakasalataki kina me baleta na cakacaka ni veivakabulai, vuli vata mai na nodra ivakavuvuli na iliuliu ni Lotu me baleta na cakacaka oqo, ka tuvatuva kina me rawa ni rawati.