Soqoni ni Kava ni Sigatabu (Okotova – Tiseba 2018)

Na Vulica Yadua kei na Vakamatavuvale ni iVolanikalou

Ena ikava ni Sigatabu ena 2018, era na veivosakitaka na kuoramu ni talatala qase kei na Soqosoqo ni Veivukei na vuli yadua kei na vuli ivolanikalou vakamatavuvale. Sa rawa vei ira na iliuliu se qasenivuli mera liutaka na veivosakitaki ni dua na ivakavuvuli oqo.

Vulici Yadua na iVolanikalou

Me vukea na nodra vakauqeti na lewe ni lotu me ra vulica na ivolanikalou ena veigauna, e rawa mo sureti ira mera digitaka e dua vei ira na wase oqo me ra wilika yadua na lewena: Josua 1:8; 2 Timoci 3:15–17; 1 Nifai 15:23–25; 2 Nifai 32: 3; Vunau kei na Veiyalayalati 11:22–23; 33: 16–18. Ni sa oti na gauna me ra wilika ka vakasamataka vakatitobu, e rawa mera veiwaseitaka vua e dua tale ena loma ni rumu na cava era vulica ena nodra tikina me baleta na vulici ni ivolanikalou.

Sa rawa talega mo sureti ira na lewe ni lotu me ra wasea na nodra ivakadinadina me baleta na veivakalougatataki era ciqoma ni ra vulica tiko na ivolanikalou. Ena yaga vei ira na lewe ni lotu nodra veirogorogoci vakai ira ka wasea na veika era sa cakava me vakaibalebale na vulici yadua na ivolanikalou (raica eso na ivakaraitaki ena “Vakasama me Vakatorocaketaka na Nomu Torocake ena Vulici ni iVolanikalou,” ena Lako Mai, Mo Muri Au—Baleta na Tamata Yadua kei na Matavuvale). Sa rawa talega mo wasea vei ira na lewe ni lotu na cava e vakavuvulitaka o Elder Quentin L. Cook me baleta “na inaki kei na veivakalougatataki e salavata kei [na veisau ena ituvatuva ni Sigatabu] kei na so tale na veisau wale tikoga oqo” (raica na “Saumaki e Titobu ka Tudei vei Tamada Vakalomalagi kei na Turaga o Jisu Karisito,” Liaona, Nove. 2018). Me ra veivosakitaka na lewenilotu na noda sasaga me da vakavinakataka cake na noda vulica na ivolanikalou ena rawa ni rawati kina na inaki oqo. Na vidio oqo ena LDS.org e rawa talega ni vakauqeti ira na lewenilotu: “Words with Friends,” “The Blessings of Scripture,” “Daily Bread: iVakarau”, kei na “What Scriptures Mean to Me.”

Gumatua ena Vulici ni Kosipeli

E vakatautauvatataka o Elder David A. Bednar na vulici ni ivolanikalou vakamatavuvale kei na so tale na itovo dodonu me vaka na vei barasi ni iboro lailai ka vakatubura e dua na droini totoka. Me ra vukei na lewe ni lotu me ra kila na veika e vakatavulica o Elder Bednar, ena rawa ni o vakaraitaka e dua na droini ka sa vakaimawe tu na barasi ni boroboro o dauniboroboro. E rawa ni ra qai wilika na lewenilotu na veivakatauvatani nei Elder Bednar, e kune ena “Vakavulici Ira Vakavinaka na Nomu Vuvale Me Ra Gugumatua” (Liaona, Nove. 2009, 19–20), ka veivosakitaka na iboro ena drauni oqo me vaka na vulici ni ivolanikalou. Na cava sa vukei keda meda qaqa mai na veivakataotaki vakaivakarau me vulici ni kosipeli, kevaka eda sa vulica vaka yadua se vakamatavuvale? Na cava e yalataka o Peresitedi Russell M. Nelson vei ira era sa “cakacaka vagumatua me veisau na [nodra vale] me vanua ni vulici ni kosipeli”? (raica na “Me Da iVakaraitaki Vinaka Yalododonu Edaidai,” Liaona, Nove. 2018). Solia na gauna vei ira na lewenilotu me ra vakasamataka vakatitobu ka wasea na veika era sa vakauqeti mera cakava ena vuku ni veika era sa vulica nikua.

Veivosakitaki na Kosipeli e Vale kei na Lotu

E dua na sala me vukei ira na lewenilotu me ra kila na bibi ni kena veivosakitaki na kosipeli e vale kei na Lotu me sureti e dua na gone kei na dua na itubutubu me rau lagata “Tuberi Au ena Loloma” (Serenilotu, naba 183). Na cava e vakavulica vei keda na nodra veimaliwai na gone kei na itubutubu e na qaqani sere oqo me baleta na vulici ni kosipeli? Rairai eso na lewenilotu era tu vakarau me wasea na nodra vakasama ena sala me veivosakitaki ni kosipeli me dua na tiki tudei ka itovo ni bula ni matavuvale. Na veitiki ni ivolanikalou me vakarautaka na veivakararamataki: Nai Vakarua 11:18–20; 1 Pita 3:15; Mosaia 18:9; Moronai 6:4–5, 9; Vunau kei na Veiyalayalati 88:122. E rawa vakacava ni vakavolekataki keda na noda veivosaki e vale vakakina e valenilotu kivua na Tamada Vakalomalagi kei Jisu Karisito?

Na Vakasama me baleta na kena Tokoni na Vulici ni iVolanikalou e Vale ena 2019

Ena 2019, na lewe ni tabanalevu kece ena vulica na Veiyalayalati Vou—e vale kei na Matawilivola ni Sigatabu kei na Lalai. Ena soqoni ni kuoramu kei na Soqosoqo ni Veivukei, na iliuliu kei na qasenivuli me ra vakananuma vei ira na lewe ni lotu me baleta na ituvatuva ni ivolanikalou sa tuvai tu me baleta na macawa ka tarava Mo Lako Mai, Mo Muri Au—Vei Ira na Tamata Yadua kei na Matavuvale me rawa ni ra vulica mai vale. Oqo na ivakananumi rawarawa e rawa ni wasei ena volavola, vosa, se ruarua.

E rawa ni ra veivakauqeti na mataveiliutaki kei na qasenivuli ni Kuoramu ni talatala qase kei na iliuliu ni Soqosoqo ni Veivukei me baleta na vulici ni ivolanikalou ena nodra vakasaqara na madigi eso me ra kauta mai na vei vakasama ni Veiyalayalati Vou ki na kuoramu ni talatala qase kei na Soqosoqo ni Veivukei. Me ivakaraitaki, e rawa ni ra vakayacora na veika oqo na veiliutaki kei na qasenivuli:

Na Vakasama me baleta na kena Tokoni na Vulici ni iVolanikalou e Vale ena 2019

• Vakaraica me vakayagataki na italanoa se ivakavuvuli mai na nodra vulica na ivolanikalou yadua ki na dua na kuoramu ni talatala qase se lesoni ni Soqosoqo ni Veivukei. Era rawa ni ra na wasea na iIiuliu kei na qasenivuli ena dua na soqoni ni Sigatabu.

• Wasea vei ira na lewenilotu era vakayagataki vakacava na italanoa se ivakavuvuli mai na Veiyalayalati Vou ki na nodra itavi ena Kuoramu ni talatala qase se Soqosoqo ni Veivukei.

• Wasea vei ira na lewe ni lotu na veivakauqeti era sa sotava ena kena vulici na Veiyalayalati Vou e vale ka vakayaloqaqataki ira na lewenilotu me ra wasea talega na veika oqo.