Michelle D. Craig
Fesoasoani Muamua i le Au Peresitene Aoao o Tamaitai Talavou
Ina ua 16 ona tausaga, sa aoaoina e Sister Michelle D. Craig e faapea o le a masii atu lona aiga i Provo, Iuta, ISA, i Harrisburg, Penisilevania, ISA, ina ia mafai ai e lona tama ona amata se tofiga e auauna atu o se peresitene o le misiona.
Sa fiafia o ia e faatasi ma lona aiga, ae o lo latou siitia atu o le a tuua ai Michelle talavou ma lagona “tuuatoatasi faaagafesootai” i le taimi o ona tausaga tolu ma le fa i le aoga maualuga.
“O tausaga aloaia tele na,” na saunoa ai Sister Craig. “Nai lo le faalagolago i uo, sa ou faalagolago i lo’u aiga ma la’u molimau, ma sa avea le Ekalesia o se faalagolagomaga. Sa ia aupito faatauina lana sootaga ma le Tama i le Lagi ma le Faaola.
Sa soifua mai Michelle Craiga i le aso 13 Iulai, 1963 i Provo, Iuta, ma o le ulumatua o le fanau e toafitu a Janet Lundgren ma Robert Henry Daines III. Sa nofo o ia i Provo seia masii atu lona aiga i Penisilevania. E lua tausaga mulimuli ane, sa toe foi ai Sister Craig i Provo e aoga i le Iunivesite o Polika Iaga, lea sa maua ai lona tikeri o le tagata malaga [BA] i mea tau a’oga tulagalua. I le 1984, sa talia ai e ia se valaauga e faamisiona i le Misiona a le Dominican Republic Santo Domingo.
“Sa ou talitonu pea lava e le aunoa,” sa saunoa ai Sister Craig, o le sa lagolagoina e avea ma Fesoasoani Muamua i le Au Peresitene Aoao o Tamaitai Talavou i le aso 31 Mati, 2018. “Mai lava i lo’u talavou, sa ou iloa o au o se afafine o le Atua. Ae ou te manatua [i la’u misiona] o taimi uma ou te tuu atu ai la’u molimau e uiga i le Perofeta o Iosefa Samita, ou te lagonaina ai lava le Agaga. Sa matagofie lo’u faamauga lea na faamautu ai la’u molimau.”
E na o ni nai aso talu ona ia toe taliu mai, sa ta’u atu ai e le tuagane o Sister Craig e tatau ona la o e tafafao faamasani ma Boyd Craig, o se uo mai lana misiona. E valu masina mulimuli ane ae faamau le toalua lea. Sa faaipoipo i laua i le aso 19 Tesema, i le Malumalu o Sate Leki. O i laua o ni matua o se fanau e toatolu ma fanau a fanau e toaono.
E tele valaauga na galue ai o ia, e aofia ai le avea o se fai sauniga i le malumalu i le Malumalu o Provo Iuta, ma se faiaoga o Mataupu o le Talalelei. I le taimi o lona valaauga i le Au Peresitene Aoao o Tamaitai Talavou, sa galue o ia i le faatonu aoao o le Peraimeri.