Unom ka mga Paagi sa Pagtabang og usa ka Higala nga dunay Kabalaka

Gikan sa usa ka artikulo ni Lyle J. Burrup, LDS Family Services

Imahe

young woman peeking through blinds

Sa kasagaran kadtong nakigbisog sa kabalaka nahadlok kon unsay hunahuna sa uban kanila. Dili sila gusto nga ang mga tawo nga makakita nila nga makasinati og kalit nga talan-awon sa kabalaka o ubang mga problema nga may kalabutan sa kabalaka. Sa kasagaran, maningkamot sila sa patago niini. Molikay sila og mga sosyal nga panagpundok o dili mosimba. Ania unsaon ninyo sa pagtabang kanila.

Tabangi sila nga makasabut nga pareha ra kitang tanan. Ang mga tawo nga nakigbisog sa problema sa kabalaka normal nga mga tawo nga motubag sa matag-anan nga paagi sa piho nga mga pagtuo, hunahuna, ug mga kahadlok.
Paningkamot nga dili mohukom. Ang kabalaka dili kahuyang sa tawo. Ang pagsinati og normal nga kabalaka nagpakita nga kita nagpakabana sa mga butang nga gikabalak-an. Usa ka positibo nga paagi sa pagtan-aw sa mga tawo nga nakigbisog sa kabalaka mao kini: sila nagpakabana lang og maayo.
Simpatiya kanila. Pagmatinuoron. Paminaw aron makasabut sa ilang mga pagbati, pagtamud ngano nga sila nakigbisog, ug pakigsulti unsay imong nasabtan. Ang pagsimpatiya mao ang labing epektibo nga kalidad sa pagambag.
Ayaw sila sultihi nga dili mabalaka. Dili kini makahatag nila og kahupayan. Nagpakita usab kini nga ikaw wala makasabut sa unsa nga paagi mahitabo ang kausaban. Tabangi sila sa pag-ila unsay ilang tinud-anay nga mahimo mahitungod sa unsay nakapabalaka nila.
Ayaw sila sultihi nga sila dili makatarunganon. Kinahanglang makahibalo sila sa makasamok nga mga hunahuna ug mga kinaiya sa ilang mga kaugalingon. Kon sultihan nimo sila nga sila dili makatarunganon, mohunong sila sa pagkigsulti ninyo, nga maghunahuna, “Dili ko makasulti nimo. Nagtuo ka nga ako usa ka amaw.”
Hatagi sila og suporta. Awhaga sila sa pagpangayo og tabang. Ang ilang bishop makatabang nila sa pagpangita og maayong magtatambag. Sa usa ka krisis o sa usa ka malisud nga adlaw, tanyag sa pagtabang sa usa ka malisud nga sugo o buluhaton, sama sa pagtudlo og leksyon, pagluto og pagkaon, pagpanglaba, pagputol sa sagbut, pagbantay sa mga bata, ug uban pa.