Sa Unsang Paagi ang Street-Art Missionary Mihulagway sa Iyang Pagtuo
Dihang mi-qualify ko nga makaserbisyo og full-time nga misyon, gitawag kong moserbisyo sa New Zealand Auckland Mission, sa Tongan nga pinulongan. Bisan og may dugo ko nga Tongan, naglisud ko sa pinulongan sa Tonga. Daghan gyud unta ko og isulti, apan tungod kay di ko kasulti sa ilang pinulongan, diyutay ra nga pulong ang sayon, ug putol-putol pa.
Akong gihigugma ang ebanghelyo ug ganahan og street art, mao nga nakahukom kong tipunon ang duha. Gidala nako ang akong mga kasulatan, usa ka sketch book, mga charcoal pencil, pentel pen, ug pintal nga i-spray. Mikatawa ang akong kompanyon ug nangutana, “Unsay buhaton nimo nianang pintal nga spray?” Mipasabut ko, “Dili pa ko makasulti sa ilang pinulongan, apan makapakita ko sa akong pagpamatuod ngadto sa uban.”
Sa nahibilin sa akong misyon, migamit ko og street art—papel, dili sa mga building—ug ang Espiritu sa pagtudlo sa uban mahitungod ni Kristo. Ug dili katuohan, nagsilbi kini. Daghang tawo dili gustong maminaw sa akong mensahe, mao nga akong gidrowing. Naabli ang mga oportunidad dihang gisultihan nako sila nga kamao kong modrowing sa mga koral. Wala sila motuo nako. Giorasan ko nila og tulo ka minutos, ug akong gidrowing ang pulong nga pagtuo samtang gitudloan sila bahin niini. Daghan kanila ang mibati nga gihukman ug wala higugmaa. Makapamatuod ko nga uban sa pagtuo kang Kristo atong mabatyagan ang Iyang gugma ug kapasayloan, ug Siya makatabang nga kita mausab ngadto sa pagkamaayo. Mitabang siya nako.
Ang mga katuigan sa akong pagpangandam para sa misyon nagtugot nga makaangkon ko og pagpamatuod sa Pag-ula ni Kristo ug sa Iyang gahum aron matabangan ko sa pagbuntog sa akong mga kahuyang ug paggamit sa akong mga kalig-on sa pagpakigbahin ngadto sa uban unsay akong nahibaloan. Sa katapusan ang pito ka tuig igo gayud.