Ang Akong Kapikas Tiggamitan og Pornograpiya. Unsay Paagi nga Maulian Ko?
Kining pito ka mahinungdanong mga kinaiya makatabang sa usa ka kapikas nga dunay kapikas nga tiggamitan og pornograpiya dili lang aron masugakod ang kasubo sa pagbati apan para makita usab ang saad sa paglaum. Kini nga mga kinaiya—nga masinati sa indibidwal nga gipaspason ug sa indibidwal nga han-ay—naprubahan sa daghan, nga kini mahinungdanon sa emosyonal, mental, ug espiritwal nga pagkaayo.
Kinaiya 1: Moatubang sa truma gumikan sa pagluib. Magkat-on ug moatubang sa truma, pagmahay sa kaugalingon, ug uban pa nimong mga reaksyon dihang nadiskubrihan nimo nga tiggamitan og pornograpiya ang imong kapikas.
Kinaiya 2: Mopakigbahin sa luwas nga paagi. Mangita og panabut, suporta, ug panghimatuod pinaagi sa tukma nga pagpakigbahin.
Kinaiya 3: Motukod pag-usab og espritwal nga kamasaligon. Mangita ug mosunod sa mga pag-aghat sa Espiritu Santo aron mabalik ang imong pagsalig ug espiritwal nga kamasaligon.
Kinaiya 4: Magpakitabang. Agig dugang sa pagpakigtambag sa mga lider sa priesthood, pangita og paagi nga mamaayo pinaagi sa mga kapanguhaan sama sa literatura, kwalipikadong therapist, usa ka mentor, o naprubahan nga programa sa pagpaayo.
Kinaiya 5: Madayganon ug Magmatinuoron. Makigsulti sa mga minahal kanunay mahitungod sa imong panaw nga mamaayo ug maulian sa madayganon ug sa tinuoray nga paagi.
Kinaiya 6: Magtakda og mga kinutuban. Maghimo og tukmang mga kinutuban uban sa imong kapikas ug mo-establisar og estraktura nga ikaimplementar ug makaayo.
Kinaiya 7: Magbansay sa pag-atiman sa kaugalingon. Moapil sa inadlawng buluhaton nga makaayo ug makaalima sa hunahuna, lawas, ug espiritu.