3 ka Mga Kahadlok nga Makapugong Ninyo nga Mapasaylo
1. Kahadlok nga maulawan. Adunay mas ngil-ad pa nga mga butang kay sa maulawan, sama sa palas-anon sa wala masulbad nga sala. Kon mopili mo sa paghinulsol ug pagkumpisal sa inyong mga sala, ang bisan unsa mga pagbati sa kaulaw makahatag og agianan ngadto sa kalinaw ug kalipay.
2. Kahadlok sa paningkamot. Ang paghimo og mga kausaban malisud. Apan ang bisan unsang butang nga bililhon nagkinahanglan og paningkamot ug buhat. Ang mga resulta gikan sa pagpili hangtud sa kausaban—kapasayloan, kalinaw, ug espirituhanong pagtubo—takus sa bisan unsa nga gidaghanon sa buhat.
3. Kahadlok sa kapakyasan. Tingali naningkamot kamo nga mag-usab ug nagpadayon kamo sa paghimo og mga sayop. Tingali nahadlok kamo nga dili gayud kamo mausab. Apan uban sa Pag-ula ni Jesukristo, kamo mahimong mausab! Ang paghinulsol dili sayon, apan pinaagi sa tabang ni Kristo, mahimo ninyo kana. Wala pa kamo molapas sa utlanan sa Pag-ula ni Kristo, tungod kay kini walay utlanan. Padayon lang gayud sa pagpaningkamot.
Ang paghinulsol tingali makuyaw, apan sa tinuod, mao kini ang dalan ngadto sa tinuod nga kalipay. Makaplagan ninyo ang kaisug ug ang kalig-on sa pagpadaplin niining mga kahadlok, usba ang inyong kinabuhi, ug paduol ngadto sa Manluluwas.