Mga Istorya kabahin ni Jesus
Si Jesus Mibisita ni Joseph Smith
Daghang mga tuig human mabanhaw si Jesus, usa ka batang lalaki nga ginganlan og Joseph Smith adunay usa ka pangutana. Wala siya masayud unsa nga simbahan ang iyang apilan.
Mibasa si Joseph sa Biblia. Miingon kini nga ang Langitnong Amahan motubag sa atong mga pangutana kon kita mag-ampo ngadto Kaniya. Miadto si Joseph ngadto sa kakahoyan ug nag-ampo sa Langitnong Amahan.
Ang Langitnong Amahan ug si Jesus mikanaog gikan sa langit. Misulti si Jesus ngadto kang Joseph nga dili siya moapil sa bisan unsa nga mga simbahan tungod kay wala sila motudlo sa tanang mga butang kabahin sa Iyang Simbahan.
Sa dihang si Joseph nagtubo, mitabang siya sa pagpahiuli sa Simbahan ni Jesus balik sa yuta. Gitawag kini og Ang Simbahan ni Jesukristo sa mga Santos sa Ulahing mga Adlaw. Nagtabang kini sa katawhan nga makat-on mahitungod kang Jesus ug sa Langitnong Amahan.
Ang pagbasa sa mga kasulatan nagtudlo og dugang nako mahitungod sa Langitnong Amahan. Sa diha nga ako mag-ampo, motubag usab Siya sa akong mga pag-ampo.