Kabatan-onan
Paghinumdom sa Ginoo sa Kada Adlaw
Mga higala, mga gimbuhaton sa balay, homework, TV—adunay daghan kaayong mga butang nga mangayo sa atong pagtagad. Apan kada semana, mosaad kita sa Langitnong Amahan “nga [kita] sa kanunay mohinumdom [sa Iyang Anak, si Jesukristo]” (D&P 20:79).
Si Presidente Eyring miingon nga makahimo kita sa “pagpili sa kada adlaw” nga makatabang kanato sa paghinumdom sa Manluluwas. Ikonsiderar ang paghimo og usa ka tumong niining bulana sa paghinumdom og dugang sa Manluluwas sa matag adlaw. Makahimo kamo og kalendaryo ug mopasalig sa pagbuhat og usa ka butang sa matag adlaw sa pagpalig-on sa inyong relasyon uban Kaniya. Si Presidente Eyring naglista og mga butang sama sa pagbasa sa mga kasulatan, pag-ampo inubanan sa hugot nga pagtuo, ug pagserbisyo sa Manluluwas ug sa uban. Anaa usa ang pagsulat sa journal, pagtambong sa mga miting sa Simbahan, pagpaminaw ngadto sa kinatibuk-ang komperensya, pag-adto sa templo, pagkanta og mga himno—nagpadayon ang listahan! Kon kita mohinumdom sa Manluluwas sa inadlaw-adlaw, si Presidente Eyring misaad nga “ang mga panalangin … moabut sa hinay-hinay ug kanunay … [ug] mohulma kanato ngadto sa pagkahimong disipulo sa Ginoo nga si Jesukristo.”