Folafolaga Faaperofeta
O Le Alofa Tunoa a le Atua e Maua e Tagata Uma
“O le alofa tunoa o le Atua o lo tatou faamoemoe sili ma le faavavau lea.
“E ala i le taulaga a Iesu Keriso, le fuafuaga o le alofa mutimutivale ua faamalieina ai manaoga o le faamasinotonu, ‘ma [aumai ai] ala i tagata e mafai ai ona latou maua o le faatuatua e salamo ai’ (Alema 34:15).
“E ui e ’ulaula a tatou agasala, ae mafai ona sinasina e pei o le kiona. Ona ‘na foaifuaina e [lo tatou Faaola pele] Ia e fai ma togiola mo tagata uma’ (1 Timoteo 2:6), o lea ua saunia ai mo i tatou se faitotoa e ulu atu ai i Lona malo e faavavau. …
“O le aso ma aso uma o loo avanoa ai le alofatunoa o le Atua i tagata uma o o latou loto ua nutimomoia ma o latou agaga ua salamo. …
“… Ou te tatalo ina ia faaali atu lo tatou alolofa i le Atua ma lo tatou lotofaafetai mo le meaalofa o le alofatunoa le i’u o le Atua e ala i le tausiga o Ana poloaiga ma olioli e ‘savavali i le ola toefuataiina’ (Roma 6:4).”