Bukin tera I riai ni kabwara ana bure temanna are ngaia ae e kamarakai?
Te tua ni kabwarai aia bure aomata ni kabane bon te tua are angiina mai buakora a ikakorakora iai. Ma e taku te Uea bwa ti riai ni kabwarai aia bure ke ti na karaoa riki te bure ae moan te korakora (taraa D&C 64:9–11). E na taraa anne n aki nako raoi nakoira n te moan tai, ma te Uea e kataia ni buokiira bwa ti na riki n Ai arona ao ni kunea te kimwareirei ae moan te korakora. Ngkana ti kaki i aon Iehova rawawatara ao ni kanakoa te un, nanobuaka, ao te maraki, ti na karekea te rau n te maiu aei ao kakabwaia aika korakora n aki toki. E na bae ni maan mwakuriana, rannimata aika waanako, aki mamatam, tataro, reirei ma taan kairiiri n te nakoanibonga, ao kawaran te tembora, ma e bon uaana karaoana.
Ngkai Beretitenti Dieter F. Uchtdorf, Kauoman ni Kauntira n te Moan Beretitentii, are e taku:
“Ti riai ni katoki ngurengurera. Mwakoron oin te kantaninga n te maiu aei bon reiakinana bwa e kanga katokan bwaai aikai. Anne ana kawai te Uea.
“Uringnga, e onrake karawa irouia naake irouia aekakin aei: A kabwaraaki aia bure. Ao a kabwarai bure” (“The Merciful Obtain Mercy,” Liahona, Meei 2012, 77).