Tain Booki aika tabu

Te Taetae ni Kaikonaki ibukin te Tarena

Iroun Jean Bingham

E maeka te tia korokaraki i Utah, USA.

Reiakina taekan te Nu Tetemanti n ikotaki n te ririki aio!

E karakina te rongorongo Iesu, ke te taetae ni kaikonaki, n taekan te mwaane are e anga tabeua te koin nakoia teniman aomata ake a mwakuri ibukina. Ngkanne e a bonako te mwaane. Ngke e a nako, uoman aomata a mwakuri korakora ao a kamanenai aia koin bwa a na karekei riki aia koin bwa a na kaoka boonmwiina nakon te mwaane. Ma temanna te aomata e tauna ana koin ibukina bwa e maaku bwa e rawa ni kabua. Ngke e a oki te mwaane, e anganiia kaniwangaia naake a karikirakea te koin ake e anganiia. Ma e anaa te koin mairoun te aomata are e aki kataia ni karikirakea. (Taraa Mataio 25:14–29.)

N aron te mwaane n te taetae ni kaikonaki, te Tama are i Karawa e a tia n anganiira n tatabemaniira nako tabeua bwaai aika rang kakawaki—tiaki taian koin, ma konabwai aika onoti ke tarena, n aron te anene, kaotan te tangira, te biri, ke buokaia tabeman. N aroia aomata n te taetae ni kaikonaki, ko riai ni mwakuri korakora bwa e na rikirake am tarena!

Ko na kanga n ririmwin ana reirei Iesu man kamanenaan ao kanakoraoan am tarena? Ko kona n namakina te kukurei ao ni buokiia tabeman ngkana ko karaoia.

Reiakina ae Mwaiti Riki

Te tarena bon te konabwai ae onoti, n aron te tarena ibukin te korotamnei. Ma n ana tai Iesu, te taeka tarena nanona mwaitin te mwane are e korakora kakawakina. A kanga aekakin tarena aika uoua aikai n titebo?

Te Taetae n te Utu

Buokiia kaain te utu n arana tao teuana te tarena are iai iroun teuanne ke neienne. Kam na kanga n ibuobuoki imarenami ni karikirakea ami tarena? Maroroakinna bwa e kanga kamanenaam am tarena ni buokiia tabeman ao ni kaota am kakaitau nakon te Tama ae i Karawa. Kaoia kaain te utu bwa a na kakaei aia tarena i bon irouia ao n tibwaua te taeka ae raoiroi ni katoa bong.

Song: “‘Give,’ Said the Little Stream” (Children’s Songbook, 236)

Koroboki aika Tabu: Doctrine ao Covenants 46:11

Tamnei: Nako nakon Biblevideos.org ni mataku n “Te Taetae ni Kaikonaki ibukin te Tarena”

Buoka man Koroboki aika Tabu

Katean kain boki aika tabu bon te kawai ae kaunga n reiakinan riki taekana.

1. Katabea temman bwa e na katea kain mwakoron te karaki. Ko kona ni kamanenai kunnikai aika bebete ao bwaai ake a kaineti ma te karaki n aron te ninira ni bwai n tebotebo ke koin aika beeba.

2. Katabeia tabeman bwa a na wareka te karaki, n toki imwiin teuana ma teuana te kibu n te aro bwa taan takakaro a na katea kain te bwai are e a tibwa tia ni warekaki.

3. Manga katea riki kain te karaki bwa aonga n reke aia tai aomata ni kabane.

Ana Kaoti Tarena te Utu

Bairea te kamataku ni kaota am tarena.

1. Katabeia kaain te utu n tatabemaniia n tibwauai baike a rabakau iai, n aron te wareware ni kabaibaiti, ni kamwa te bwai n anganano, te kamataku n te anene, karaki ni kamanga, karaoa te mino ni baeki, ke ni kaota te wiwingare.

2. Ngkana e tia temanna ni kaota ana tarena, katabeia kaain te utu ake tabeman ni karakina te bwai ae tamaroa ake a nooria iroun te aomata anne.

3. Ibukin taian kabuki, ikoti uanikai ake a mamatenanoia iai aomata akanne n tatabemaniia ni karaoa te tiarate ae kangkang ae karaoaki man te uanikai!

Tibwaua Am Tarena!

Te tabo:

Te bong:

Te tai:

Uota te mwakoro ni uanikai ni buoka karaoan taian kabuki!

Ko kona ni kaotinakoi riki kaobiina nliahona.lds.org.

Kamatata n te korotamnei iroun Josh Talbot