LDS Charities (Ana Ibuobuoki te LDS): 30 te Ririki ni Beku
Te reirei ni buokakiia raora e bon aki boou. Ni boong ni kabane, te Ekaretia e a tia ni katabuaki ni buokiia rarikin ao kainnano.
Tenibwi te ririki n nako, n Tianuare 27, 1985, bwa te katabu e karaoaki n tain te aki mamatam ae onoti ake membwa n te Ekaretia a anga n ana mwane te U.S. $6 te mirion ni buokiia naake a rootaki n te rongo i Ethiopia. Aio are e mwaakena moan waakin te bwai are e na riki bwa Ana Ibuobuoki te LDS. Te ririki naba anne, te aki mamatam inanon Nobembwa e karekea riki $5 te mirion ibukin te ibuobuoki nakoia ake a baki. Uoua aki mamatam akanne a kabirirakea te mwakuri n ae korakora n ara tai.
Inanon te 30 n ririki imwiin aki mamatam akanne, te Ekaretia e a tia n anga $1.2 te birion te ibuobuoki nakoia aomata ake a rootaki. Akanne n ikotaki ma amwarake, katantan, bwainaoraki, kunnikai, ao bwaai n ibuobuoki. N reitaki ma anne, Ana Ibuobuoki te LDS e a tia n anga buoka inanon te tai ae maan rinanon moan waaki n ibuobuoki ni katauraoi wiiranikaintekateka, iti n totoko, ran ae itiaki, amwarake n utu, tararua n te mata, ao tararua ibukiia bikoukou ao aika tibwa bung. Te Ekaretia n raonaki ma botaki n ibuobuoki aika onimakinaki n anga angiin te ibuobuoki iaon anganano ni kabane.
Beretitenti Thomas S. Monson e aki toki n reirei bwa, ngaira aika membwa n te Ekaretia, iai tibwangara ni buokiia aika baki, akea mweengaia, ao ake a karawawataki. Membwa n te Ekaretia a tia ni kaitara te kakaewenako. N akean te butimwaai ae uarereke ke te bukamaru ni kakaitau, a tia ni karaurau n anganano ni mirion aoa n ibuobuoki ao bubua ni mirion n taaraa. N ikotaki ma anganano nakon te mwane n ibuobuoki iaon beebwa n angabwai, membwa a tia n anga nakon te LDS n nanoanga, beku bwa mitinare, n riki bwa rao aika tamaroa ao rao, anganano ni mwakuri inanon ana batiriti te warebea ke komiunitii, ao n anga aia tai ao aia tangira nakoia bubua ao ngaa man bootaki aika onimakinaki n te aono.
Ao ngke a karaoa anne, a waaki ni kakoroa bukin te bwai are e reirei iai te Tia Kamaiu iaon tararuakiia rarikin ao kainnano:
“Bwa I baki, ao kam kaamarakeai: I kanimoi, ao kam kamoai; te iruwa Ngai, ao kam akoai: …
“E koaua ae I a tuangngkami ba ngke kam karaoi baikai nakon temanna ae moan te mangori ibuakoia tariu aikai, ao kam karaoia naba nako iu” (Mataio 25:35, 40).