Karekean te Kaniwanga man te Raoiroi
Iroun Unimwaane Quentin L. Cook
Man te Kooram n Abotoro n te Tengaun ma Uoman
Man te maroro, “The Rewards of Righteousness,” e kanakoaki n aia Maungatabu Aine i BYU ni Meei 2, 2014.
Akea te bwai teuana ae e na tauaki mairouia naake a eti raoi n nakonako.
Te aonaaba e a bon mangaongao raoi (taraa D&C 45:26). Angiin kakaewenakoara bon inanon te maiu n tamnei. Bon bwaai ibukin te botanaomata are ngaira n tatabemanirati aki kona ni katoki n riaina. Ma e ngae n anne, iai kaniwanga ake ti kona ni karekei n tatabemanira nako, e ngae inanon te tai ngke e a kerikaaki te raoiroi ni kabuta te aonaaba.
Oin raoi te kantaninga “ibukin kaniwangan te raoiroi” bon te bwai are e a tautaekanaki n te aonaaba n te bong aei. Anaakin nanoia aomata n rinea te raoiroi bon te kakaewenako n te tai ae rangin maan. “Bon ana kairiribai te Atua te aro n aomata” (Motiaea 3:19). Bwa e riai ae a na iai n taainako “kaitaraan bwaai ni kabane” (2 Nibwaai 2:11).
Te kaokoro n te bong aei bwa te “kateitei are moan te korakora ma ni bubura” (1 Nibwaai 8:31) taani kakewekewe a takarua, e korakora te kakauntaeka, ao e karako kan ongongoia nakon aia taiteuana inanon maiu. A kaota aia onimaki ae e a kerikaaki ngke, iaon bwaai aika mwaiti, a mwannanoa riki karekean taekaia ae buakaka ngkai aomata ngaiia ibukin taai aika a na roko nakon karaon ae kairua ni kaineti ma te Atua. E na iai te tai ibukia te koraki n aomata aika mwaiti kurikuri bwa a na ota ao ane a na motikaki taekaia man ana tua te Atua, tiaki man tarakiia ae e tataneiai te aba ke rabakau aika bwainaki ni boong aikai. Tabeman e korakora irouia te raraoma riki n aron kakanikoakiia irouia tabeman nakon are a na motikaki taekaia iroun te Atua.
Te bobuaka imarenan te raoiroi ao te buakaka e aki boou. Ma n te bong aei e keerake riki te batienti ni mwaitin te aomata are a tia ni karaoa te kairua ni motikia bwa akea te aroaro, te kainibaire ae raoiroi are a riai n nim aomata ma ngaia.
Ma e ngae n anne, ana Ekaretia Iesu Kristo Ibukiia Aika Itiaki ni Boong aika Kaitira e tuai ni karekeia kaaina aika a rangi ni kakaonimaki riki. Kaain te Ekaretia, n ikotaki ma tabeman ake ti te arona aroaroia aika raraoi, a teimatoa n te raoiroi e ngae ngke a katobibiaki n te buakaka. Ti ataia, n aron ae e katanoata te burabeti are Aramwa, bwa “te aro ae buakaka e bon aki kona ni karekea te aro ae kakukurei” (Aramwa 41:10) ao bwa ana babaire te Tama ibukiia Natina bon te “babaire ni kakukurei” (Aramwa 42:8, 16).
Nanou te kan anga tabeua iango ake a na ko na nibuoki ngkami n tatabemani ngkami ao ami utu ni kabane bwa a na ota raoi ao ni karekea kaniwangan te raoiroi.
Kaniwangan te Maiu n Tamnei
“N na kanga ni kamenaa ana tabeaianga te aonaaba inanon te taratara ae bon riai ngkai I kataia ni karekea te rikirake n te maiu n tamnei?”
E korakora ana mwakuri te aonaaba iaora. Katein bwain te aonaaba n te bong koraki bon kakawenako aika onoti. E kataia te botanaomata n tarai bwai ni kabane n tii iangoankaniwangan te aonaaba.
Te moantaeka ae kimototoae tei imoan te Doctrine ao Covenants e katuruturua te kanganga raoi aei ni kauringiira ibukin kabuanibwai, e anganiira te kairiiri ni katauraoi ao ni kamanoira ngkai ao n taai aika a na roko, ao ni katauraoa te atatai ae kakaawaki iaon te bwai aei: “A aki ukoukora te Uea ni katea raoiroina, ma aomata ni kabane a nakonako n oin kawaiia, ao imwin katotongan oin atuaia, ake tamneia ai aron katotongan te aonaaba, are bwaina nako bon man te boua ae kaaraki” (taraa D&C 1:16).
Beretitenti Spencer W. Kimball (1895–1985) e reirei bwa boua aika kaaraki a kona n raonaki ma beeba ake ko na kinaaki iai, tikurii man kuura aika reitata, ana bwai te aomata, mweenga bwain nanon te auti, ao bwaai riki tabeua aika iai rabwataia. E taku bwa ngkana ti tabekirake bwai aikai inanon te kawai are e na kamemeerea neboan te Uea iroura ao ni kamamaara ara konabwai ni katea raoiroina ao ni karaoa te mwakuri ni kamaiu ibuakoia natin te Tama are i Karawa, ao ti katei oin ara boua aika karaaki.1
N tabetai tii iangoan te aonaaba e karikiira bwa ti na kabanei nanora iaon bwaai aika a bati ni kantaningaaki nakon korakoran te kaubwai ma anne e aki kairiira nakon te motinnano ae nano n te maiu n tamnei.
N ririki aika bati aika a tia n nako I tuangaki taekan bwaai ni kamataku aika kaotaki ma mwakoroia tabeua aika onoti. Mwakoro aika kakaokoro a kaoti iaan te baana are e warekaki, “Ngkana e roko Kristo n tairiki, E na kawara antai?” Ngkana I uringa etin kamatatan te tamnei, iai inanona mwakoro aika imwiina:
-
Te aine, ae mamara ae e a unaine ni mena iaon ana kainiwene ae tararuaaki iroun te neeti.
-
Te kairake n tina ae kimwareirei ma natina ae e a tibwa bungiaki.
-
Te utu ma ataei aika baki, aika a tang.
-
Te utu ae kaubwai.
-
Te utu ae kakateke ae nanorinano ma ataei aika mwaiti aika a anene nikimwareirei.
Ti ataia bwa ngkana e a manga oki te Tia Kamaiu, ti na aki ko na n ataa te bong ke te aoa. Ti ataa naba anne n aroia Kiritian, ti tabe ibukiia aika akea aia bwai ao aika kainnano ao ibukiia ake a tia ni mate buuia ao ataei ake akea aia karo ma tinaia. Ma e ngae n anne, e na kaman eti riki te baana ngke e warekaki, “Ngkana e roko n tairiki te Tia Kamaiu, antai ae e tauraoi ni kamauria?”
Au kauoua n iango bwa mwakoro n tamnei a tuangiira bwaai ni kabane ibukin aroia aomata n rabwata ma akea ibukin aroia n tamnei ao aia motinanano nakon Kristo.
Te moan iango ibukin rinanoakin maiura ao ara motinnano nakon te Tia Kamaiu ao Ana Euangkerio bon te bwabetito. Ma tiaki ibukiia aika tibwa rairaki ao aika rang ni boou, ara bwabetito a riki n ririki aika nako.
Te burabeti ae kakannato ae Aramwa e taetae nakoira ma te anainano ngke e taku: “Ao ngkai nooria, I taku nakoimi, tariu, ngkana kam a tia n rinanon te bitaki n nano, ao ngkana kam a tia n namakina te kan anenena kunan te tangira ni kaboomwi, I kan titirakini ngkami, kam kona n namakinna ngkai?” (Aramwa 5:26).
E reitinako Aramwa ma ana rongorongo ae anainano, are e kakawaki nakon ara bong. E titirakiniia Aomata aika Itiaki ma nanona ae kakaawaki, ngkana a mate, ngkana a tauraoi ni kaitibo ma te Atua. Aramwa e katuruturui aua anua ake ti kainnanoi n te aro bwa ti aonga n aki kabarekaaki imatan te Atua:
Te Moan, “[ti] a tia n nanorinano n ae tau?” N iangoana, aei kaokan te bwai ae kainnanoaki ibukin te bwabetito—ni karinanoira ao ni karekea te nano ae uruaki man raraoma.
Te Kauoua, “[ti] a tia ni kanakoa te kainikatonga?” E kauringiira Aramwa bwa ti na kaitara n toua ni kamanatua Teuare e Tabu iaan waeara ao n onrake n te kamoamoa—ni bairea nanora iaon tangiran bwain te aonaaba ae akea bonganaia ao n iangoia bwa ti tamaroa riki nakoia tabeman.
Te Kateniua, ti “kanakoa te bakantang?” Ibukiia naake a korakora kakabwaiakiia ma akea namakinan te kakaitau ibukina bwa a tii kabanei nanoia iaon baike a reke irouia tabeman, te bakantang e kona n rangin buakaka. “Te Katei ni Maiu ni kabakantang”2 e rikirake n aron te kinaaki ae kakannato ao te kabwaia e oneamwiin te onimaki ao te utu bwa oin taian kouru ao te nano ae mwaiti ibukin te botaki n aomata.
Te Kaaua, ti waningareia ke ni bwainikirinia tarira ma mwaanera? N te aonaaba n te bong aei ti kona n arana aei bwa te kakoroiku (taraa Aramwa 5:27–30, 53–54).
E kona ni kakawaki riki te bwai teuana nakon rongorongon oin ara bong nakon te rongorongon aei ibukin te nanorinano, kamoamoa, bakantang, ao te bwainikirinaki? Te kauntaeka ae korakora ni kabuta mwaitin te aonaaba bon ibukin rongorongon bairean te maiu raoi n te maiu n rabwata ae ataaki ni bwaai aika kaubwaira. Ma iai te kakarabakau ae uarereke n taekan okiran aron ana koaua Kristo are e boboto iaon te katauraoi ni kaitibo ma te Atua ao aron bairean tamneira. Ti kainnanoia ni kabotoi maiura ao nikarikirakeaarakamatataa iaon bwaai aika a irekereke ma te maiu n tamnei.
Kanuangaia Utu aika Raoiroi
“Ti riai ni karikirakeia ara utu n tabo ake tii tabeman iai kaain te Ekaretia ao ni katobibiaki man te buakaka ae bati, kakauntaeka, ao te kakaitara nakon te raoiroi?”
Kainnabu, Mary, ao Ngai ti karekei tabeaianga aikai ngke ti moanna ni kaikawaiia natira n Aonon San Francisco Bay i California, USA, ni banen te 1960. Mwaitin te botanaomata ibukiia Aika Itiaki ni Boong aika Kaitira e rang uarereke. Ma ngkai angiin mwaitiia aomata a bon rang tamaroa, te Aono ae Bay e riki bwa te maekineti ibukin kabonganan taian turaki ao raom ae mwaiti ni karaoan te wene ni bure ao mwakuri aika bure.
Te bitaki n te botaki n aomata e tau aron kakawakina ibukin te beretitenti n te titeiki ae tabeaianga e tuangia taan kairiiri n te Ekaretia ngkana e riai ni kaungaiia kaain te Ekaretia bwa a na teimatoa n tiku n te Aono ae Bay. Unimwaane Harold B. Lee (1899–1973), n te tai anne bwa ngaia te tiniia membwa n te Kooram n Abotoro ake Tengaun ma Uoman, e mwiokoaki bwa e na maroroakina te kanganga. E kamatata bwa te Uea e aki kaunga katean te tembora n ara aono ma e tii tangiria bwa a na mwaing n nako kaain te aro. Ana reirei nakoira e bon bebete man katekenano:
-
Karika Tion inanora ao inanon mweengara.
-
N riki bwa te katoto ae tamaroa nakoia naake ti maeka ma ngaiia.
-
Kabotoa nanom iaon taian otenanti n te tembora ao koaua ake a reiakinaki ikekei.
Ti kawakina ana reirei Unimwaane Lee ao ni kataia n iria inanon ara utu.
Ni katean Tion inanora ao ni mweengara, ti kainnanoia bwa ti na katereterea aron taraakin maiuakinan te aro inanon te mweenga man karaoan te tataro n utu ao kamatebwaian booki aika tabu ni katoabong ao man karaoan te kai n utu n te tairiki ni katoa wiiki. N te rongorongo aei ti kona n reireiniia ao ni kataneiaiia natira. Ti karaoa aei ma te tangira ao te akoi, n totokoa te tiribure ae bati ibukiia natira ao kainnabara.
N aki ongeia bwa ti maeka iaa ao e ngae ngke ti karaoi bwaai ni kabane aika a eti, tabeman ataei a bae ni karaoi rinerine aika aki wanawana are e kairiia nakon kawai aika katabuaki. Ao ibukin aio, e rangi n kakawaki buokaia te roro ae rikirake bwa a na motika nanoia ni moantaai bwa tera ae a na riai n taekinna ke aroia nakoia tabeman n aron karaoana n angana ae riai ke ni bure kairana…
Ara ataei a nako n reirei n taabo ike tii uoman ke teniman ataei man te LDS. Ni moan waakin te reirei n te ririki ao imwaain waaki ni kakukure, ti maroroakinna inanon ara botaki n utu n te tairiki kaeka aika riai ngkana a kuneiia n taabo aika ko tauraoi iai ni bita arom. Ti titirakiniia bwa tera ae a na taekinna nakoia raoraoia ake a na tuangiia, “Tai burababa, a karaoia aomata ni kabane,” “A aki ataia ami karo,” ke “Tii tetaina ao e aki kakawaki.”
Ti maroroakina bukinakira iroun te Uea.
Ti katereterea bwa ti iriira ana katoto Kristo ngkana ti kunnikaira n aika riai, ni kamanenai taeka aika itiaki man riai, ao n totokoi tamnei aika tangako, ake a riai n reiakinaki iai ataein te Buraimwari bwa a aonga ni karekei maiuia aika itiaki.
Ti maroroakina taekan Iotebwa mai Aikubita, are e birinako ngke e kaitaraaki ma ana taratara buun Botibaae aki riai (taraa Karikani B’ai 39:7–12).
Ara ataei n tatabemaniia a bae n iai kakateuana aia taneiai ike e kakawaki iai te katauraoi aei, ma angiin te tai raoraoia a kamanoiia ibukina bwa atai aia kainibaire ao aia koaua.
Ngke natira te aine, Kathryn, e wetea tinana iaon te tareboon imwiin nakona n reirei n te kuura, Mary e bae n tuangnga baike e tangiri ibukin te Tia Kamaiu. Mary e teimatoa ni kamanenai Ana katoto ao kateina ni buoka te kanganga are e na maroroakinna Kathryn n aron are e tareboon.
I kakoaua bwa ti kona ni kaikawaiia ataei aika raoiroi ni kaniia mwakoron te aonaaba ni kabane ngkana e matoatoa aaia iroun Iesu Kristo ao Ana euangkerio. Nibwaai e kabwarabwara reireiaia ana utu ao aomata, ni kangai, “Ti kaakarabakauakina Kristo, ao ti kimwareirei iroun Kristo, ao ti tataekina Kristo, ao ti taetae ni burabet ibukin Kristo, ao ti koroi kanoan ara taetae ni burabeti bwa antai ake a na kawaria ibukin kamaunan aia bure” (2 Nibwaai 25:26).
Ngkana ti karaoa aei, ngkana ara ataei aki karaoa ae riai n aia rinerine, a na ataia bwa aki bua bwaai ni kabane ma a kona nikakaea kawaia n okira mweengaia. I tangiria ni kakoaua bwa ngkoe ao am utu kam na kakabwaiaki ngkai kam kataia ni kakorakoraia kaain ami utu rinanon onimakinan te Uea Iesu Kristo.
Ngkana ti ira ana reirei Unimwaane Lee n riki bwa te katoto ibuakoia ake ti maeka ma ngaiia, ti aki kona ni karabai ara kainibaire. Ara mwakuri a riai ni kaota nako bonganara ao ara koaua. Ngkana e riai, ti riai n irii waaki ni kakukurei ibuakoan ana mwakuri te botanaomata n te tautaeka.
Ni maiuakina te kororaoi ma te beeba ni kariaia nakon te tembora, karekean otenanti n te tembora, ao n ni kokoaua nakon ara berita aika tabu a anganiira banen nanora ao te taratara n tiku iaon kawain ara berita. Ngkana a maiu ni kororaoi ara roronrikirake ni karaoan bwabetito ibukiia maate, a na barongaaki raoi mauia.
Ti kainnanoia bwa ti na kabotoi nanora iaon korakorara ni kakorakorakiia ara utu man te maroro, te kukurei, te kabwarabwara, ao kaotiotakin koauan Kristo bwa ti aonga ni katoonga kaniwangan raoiroin te utu ao n riki bwa utu aika akea tokiia.
Ibukiia naake a tuai n iein ma maiuia aika raoiroi, ara reirei a bon kakoauaki: “Kaain te aro aika kakaonimaki ake a aki kona ni karekei kakabwaia ibukin te mare ae akea tokina ao te nakoa ni karo n te maiu aei a na karekei kakabwaia ni kabane ake a beritanaki n te maiu are aki toki, ni katauraoaki ngkana a kawakin berita aika tabu ake a karaoi ma te Atua.”3
Kaniwangan te Kukurei
“Baikara bwaai aika a na reke buokaia iai ake I riai ni katauraoi ibukiia natiu bwa a na kukurei ao n tokanikai inanon maiuia?”
E a tia Rutibeero ni karaoa te katoto ae kewe ke te kairua ni kukurei are e aki boraoi ma te raoiroi ao e na kaburei kawaira ngkana ti aki taratara raoi. Angiin ara kanganga n te bong aei a riki ibukina bwa te rabakau n te aonaaba e a tia ni waakina te kabwarabwara ae bure ibukin te kukurei. Ti ataia man ana Boki Moomon bwa te kanganga aei e riki ni kabutai roro ni kabane. Ti atai naba kakabwaia ake a roko man maiuakinan taian tua.
E kamataata te Uea Beniamina, “I tangiria bwa kam na iangoa te kakabwaia ma te aro ni kukurei irouia ake a kaawakin ana tua te Atua. Bwa taraia, a kakabwaiaki ni bwaai ni kabane, n te maiu n rabwata ao n tamnei; ao ngkana a teimatoa n onimaki ni karokoa te toki ao a na butimwaeaki mai karawa, ao a na maeka ma te Atua n te aro ni kukurei ae aki totoki. O uringnga, uringnga bwa akoaua bwaai aikai; bwa e a tia n taekin te Uea ae te Atua” (Motiaea 2:41).
Riaon ririki aika mwaiti I ririmwiin te mwakuri ni kakaei are e moanaki n te 1930 tabun. N te moan, n te kamatebwai e irekereke ma 268 mwaane n teuana te iuniwetiri ae te kabanea n tamaroa ake a riao aia kamatebwai iaon maiuia ae bwanin i marena n tai. Imwiina, aine a riki bwa mwakoron te kamatebwai. Te kamatebwai e bane inanon ae kaania 70 te ririki. Te kouru n te moan kamatebwai bon kunean ae kona n reke ibukin te tokanikai ao te kukurei.
Te kamatebwai e kaotia bwa te bwi n rin te kuura ao mwaitin te bwi ae bon tau e aki kaota te tokanikai ke te kukurei n te maiu are imwiina riki. Ma teuana tebwai ike e rietaata iai te reitaki bon kukurein te utu inanon ataeiia. Ikawai, aika kukurei man tokanikai a ribootinna n taainako bwa tinaia a kakaota aia tangira ma aia namakin n aia taeka ao a aki kamanenai kawai ni kairiiri aika matoatoa. Aia karo ni kauoman a kakaota aia tangira i bon imarenaia n aia mwakuri ao n tatauraoi ao ni kakaniia ma natiia, ma aia reitaki ae tamaroa ao ni bwarabwara raoi n aia namakin. Kaaro a katea te tabo ae teimatoa ibukin te utu ao a kakoauaki bwa a karinei inaomataia natiia.
Te boki nikainiiniaon te kamatebwai are e boritiaki n te 2012 e ribootinna: “Angiin mwaitin te tokanikai rinanon te maiu a taekinna ma te onimakinaki ae uarereke man moantaain te kaubwai n te mwane ao te tokanikai n angaraoin te rereitaki nakon ae mai nanon ataeim ae tangira man tangiraki.” Te tararua inanon te maiu n ataei ae tamaroa e irekereke ma te tokanikai nakon riki te ataibwai, te karinan ni kiraati inanon maium ma te botanaomataae ikoikotaki, ke te korakora n te rabwata. N te kamatebwai e kunea naba bwa “te nakoraoi are e riki n te maiu n ataei e kaota te nakoraoi riki n taai aika a na roko nakon te bwai ae bure.”4
Te kamatebwai n teina ae bwanin e kaotia bwa e ngae ngke iai kakaewenako aika kakaawaki ao tabeua bwaai aika a riki n rangi ni bure aroia, angiina ataei a teimatoa n nakoraoi, ao te onimakinaki are e kateaki man aia reitaki kaaro aika tatangira, ai moararariki te tina, e kona n iai mwiina ae teimaan, te kukurei ae reitinako inanon maium. Te bwai ae kakaongora nakoiu, ma e aki kamiimi, bwa te kamatebwai e bon bwanin ni boraoi ma te bwai are e reiakinaki ni booki aika tabu ao n te Ekaretia ibukin te utu. Te Ekaretia e katereterea te botaki n utu n te tairiki, te tataro n utu, kakaotan te tangira, ikoikoitakin te utu, ao katein te utu, ake bon aekakin raoi waaki ni kakukurei are e kaotaki n te kamatebwai are e karika kukureia, ao nakoraoia ikawai.
Nibwaai e moana ana Boki Moomon ni kaota te kakaitau ibukiia “kaaro aika tamaroa” (1 Nibwaai 1:1), ma oin raoi te reirei bwa ngaira n tatabemaniira ti baireia bwa aekakin kaaro ngaira raa bwa a aonga kanoara ni kukurei n ribootinna bwa a bungiaki mairouia kaaro aika tamaroa.
Te kabanea ni bwai ae rang ni kakawaki ae ko kona ni karaoia bwa ko na kakoaua bwa natim ao naake ko buokiia ni kaikawaiiaa na ataia bwa ko tangiriia. Te tangira bon te kabane ni bwai ae kakawaki nakon te kukurei.
Kaniwangan te Kakabwaiaki n te Aba
“Ara utu a aki karekei kaubwai aika kakawaki. Ibukina bwa e aki tau aron tamaroara?”
A matata booki aika tabu bwa kawakinan tua e anganiira te kakabwaiaki n te aba. Ma N na kakoaua nakoim bwa te kakabwaiaki n te aba e aki baireaki man mwaitinam mwane are ko karekea. E korakora riki nanona nakon anne.
N taetaena nakon natina Ereman, e reirei te burabeti Aramwa, “Bwa ngkana kam kawakina ana tua te Atua ao kam na rikirake iaon te aba; ao kam riai naba n ataia, bwa ngkana kam aki kawakina ana tua te Atua ao kam na teweaki nako mai i matana” (Aramwa 36:30).
Ibukin aei, karekean te Tamnei inanon maiura bon te moan bwai ae kakawaki n te kakabwaiaki n te aba. Ngkana ti kawakin tua, ti karekei naba berita aika onoti (taraa I-Ebeto 6:1–3). Doctrine ao Covenants section 89, ibukin te katooto, taian berita are man maiuakinan Tuan te Mauri, ti na kona n kukurei n taian kakabwaia aika kamarurung ao n tamaroankaubwain te rabakau aika korakora.
Kakaokoroan teuana te bwai n Tuan te Mauri, totokoan te arekooro, e reireinira bwaai aika bati. Te kamatebwai are eririmwia maiuia aomata n ae bwanin are I kabwarabwara mai imwaaina a kunea bwa kamanenan te arekooro n ae aki riai e roota teuana te katenimwakoro man utuni kabane iaon Amerika, e irekereke ma te kuata ake a ririn n onaoraki aika kabuta, ao a kaota korakoran te maate, te raure, te aki marurung, ao keerikakin te nakoraoi.
Te kamatebwai ae teimaan ibukiia kaain te Ekaretia aika kakaonimaki i California a kunea bwa aine a maiu n te katautau ae 5.6 te ririki ao mwaane 9.8 te ririki maanna nakon kabotauaia aine ma mwaane i U.S. Te taokita are e kaira te kamatebwai e kaota teuana bukina bwa bon te ongotaeka nakon Tuan te Mauri. Maiuakinan Tuan te Mauri e anganiira te kakabwaiaki n te aba.5
Ni maroroou ma Beretitenti Gordon B. Hinckley (1910–2008) ni kibara nakon katabuan te tembora, e kukurei n ribootinna bwa iai ana mwane te Ekaretia ni karawatai mwaitin ana tembora ibukina bwa Aomata aika Itiaki a kakabwaiaki n te aba. Ngkai taan kabwaka kabwianibwai n ae bwanin aika kakaonimaki, a tia ni katauraoi taian buoka ni katean taian tembora.
Te kakabwaiaki ao te riki ni kaubwai bon tiaki bwaai aika ti te arona. Nanon te kakabwaiaki n te aba ae tamaroa riki man te euangkerio bon karekean kainnanora aika tau ngkai ti karekea ana kakabwaia ae bati te Tamnei inanon maiura. Ngkana ti katauraoi ibukiia ara utu ao n tangiria ao ni beku ibukin te Tia Kamaiu, ti na katoonga te kaniwanga man karekean te Tamnei ao te kakabwaiaki n te aba.
Kaniwangan te Rau
Te kabanea ni berita ni kaniwangan te raoiroi e kamataataki raoi n Doctrine ao Covenants 59:23: “Ngkana ti karaoi mwakuri aika raoiroi, ti na karekea kaniwangara, te rau naba n te aonaaba aei ao n te maiu are aki toki n te aonaaba are imwiina.”
N raka riki iaon 35 te ririki n nako, e reirei Beretitenti Kimball bwa te rikirake ae korakora e na riki n te Ekaretia ibukina angiina “aine aika raoiroi … a na katikakinakon te Ekaretia n te mwaiti ae korakora.” E katanoata, “E na riki aei n aron ae e na rang ni mwaiti ngkai aine n te Ekaretia a kaota te raoiroi ao te konabwai ni kabwarabwarai raoi aroia inanon maiuia ao … a nooraki n onoti man kaokoro—ni kawai aika kakukurei—mairouia aine n te aonaaba.”6
E a tia raoi n riki aei ao e na teimatoa n riki n taai aika ana roko.
Bwa bon taai ma te otanga Iehova ae te Atua ao e na anga te akoi ma te karineaki. Ane e na aki taua te bwai teuana ae raoiroi mairouia akana a nakonako n te aro ae riai (taraa Taian Areru 84:11). Au tataro bwa ko na taia kaniwangan te raoiroi ngkai ko kakaonimaki n iriira ara Uea ao ara Tia Kamaiu Iesu Kristo.
Ngkana ti aki taratara raoi, te aonaaba e kona ni karikiira bwa ti na kabanei nanora iaon bwaai ake a na kararoaira man te momotinnano ae korakora n te maiu n tamnei.
Te aonaaba e boboto iaon bairean te maiu raoi n te maiu n rabwata ae ataaki, ma ara taratara e riai riki iaon te maiu n tamnei.
Te tangira bon kingin te bwai ae kakawaki are e reitia ma te kukurei n te aonaaba aei.
Te kaubwaiae koaua n te aonaaba aei e roko man kaboraoan te katauraoi ibukiia ara utu ngkai ti tangira ao ni beku ibukin te Tia Kamaiu.
Korotamnei ao kamatata iroun LiudmylaSupynska/iStock/Thinkstock; kamatata ibukin te aine iroun Stockbyte/Thinkstock; kamatata ibukin te raiti iroun ririe777/iStock/Thinkstock
kamatata iroun Stockbyte/Thinkstock; Korotamnei ao kamatata iroun Colin Ligertwood
Korotamnei ao kamatata iroun Colin Ligertwood; kamatata iroun Stockbyte/Thinkstock
Kamatata iroun Stockbyte/Thinkstock; korotamnei ao kamatata iroun Massonstock/iStock/Thinkstock