N na nako Ikekei N te Taina
Ngke e nang koro 12 au ririki, I bon rang kukurei n nako n te tembora. Ngai ma au utu ti maroroakinna bwa e na kanga aron tarakin nanona, ao I tarai naba tammnein nanon te tembora.
Tabeua te wiiki imwain ae I nako ni karaoa te mwakuri ni bwabetito n te tembora, au utu a karaoa aia bootaki n utu n te tairiki anne. Ti ongora n rongorongoia ara bakatibu tabeman ao n reiakinna bwa a maeka ia ao te aekakira aron maiuia. I kunea naba bwa tinan tinan tinan tamau e oreaki n te iti mai karawa ao e maiu! Tabeman au bakatiu a roko mai England, ngaia are Ngai ma tariu aika uarereke ti karana tamnein buraekin England. I namakinna bwa I karaoa teutana te reitaki ma au bakatibu.
E rang tamaroa nanon te tembora n aron tinanikuna. A rang tikiraoi aomata ake ikekei, ao iai te tamnei ae rau ae mena ikekei. Bon te namakin ae e rangi n kaokoro ibuakon te namakin ae I a tia n namakinna mai imwaina. Bwaai ni kabane a kororaoi tarakiia. Ai tinau e uoti araia tabeman kaain te utu ake a tuai ni bwabetitoaki. Ngke ti tabe n tataninga, Ngai ma tinau ao ai tinau ti iangoia bwa aekakira aine aika uoman aikai ngke a maeka iaon te aba 300 te ririki n nako. Bon te bong ae e rangi n kakawaki bwa e bwabetitoai tamau ibukiia.
N noorakiia aomata ni kabane ni kunnikainiia n te mainaina taraan ae I namakinna bwa I katobibiaki irouia anera. Te tembora kanga ai aron karawa iaon te aba.
Kamatata n te korotamnei iroun Jennifer Tolman