Nomu Veivakatarogi Vakai Iko kei na Kalou

E vakavulica o Peresitedi Eyring ni gauna eda vakarorogo kina ki na masu ni sakaramede, eda na rawa ni vakila ni da sa veivakatarogi tiko vakai keda yadua kei na Kalou. Oqo e tolu na ka e vakasamataka o Peresitedi Eyring. Sa rawa mo vola na veitaro oqo ena nomu ivolaniveisiga ka vakasamataki ira vakatitobu ena vei Sigatabu yadua ni vula oqo. Ni ko vakasamataka vakatitobu ka ciqoma na veivakauqeti mai vua na Yalo Tabu, sa rawa talega mo vola oqori ki na nomu ivolaniveisiga.

Na cava beka na ka au sa cakava sa vakalomavinakataka kina na Kalou?
Na veika cava meu na veivutunitaka se kere veivosoti kina?
O cei beka e gadreva na Kalou meu laki qarava?