NUKNUK KARBAB n̄an juon Eb
Kar kapo eō bwe in ļoor juon kurup, ak ijello̧kin Iaar kile bwe Ij aikuj in juon waanjon̄ak.
Ke Iaar juon jodikdik, jet iien eaar pen n̄an mour kōn ko̧jpeļ in. Eria eo Iaar jokwe ie eaar jaab lukkuun lōn̄ Membōr ro, im jet iien ro m̧ōtta me rejjab membōr in Kabun̄ in rej kōm̧m̧an bwe en pen aō kōm̧m̧ani men ko rejim̧we.
“Kwoj aikuj kōņak menin; enaaj kanooj jejjet ilo am̧ lale,” juon iaan ro m̧ōtta eaar jiron̄ eō m̧okta jān juon eeb. Liin eaar kotak juon nuknuk eo me eaar letok bwe in kōjerbal e, ak eaar ejjeļo̧k pein. Iaar kālet n̄an kōņak nuknuk eo ippān juon jakut.
Ke iaar tōpar ļo̧k eeb eo, ejjeļo̧k bar juon eaar ekkōņak nuknuk eaitok pein, im iaar en̄jake iaar make ļo̧k. Ke Iaar jino tin okmāāņāņ, ro m̧ōtta raar jiron̄ eō bwe Ij aikuj in utik jakut eo im enaaj em̧m̧an kalimjōk eō.
Ke Ij tin utik ļo̧k jakut eo aō, Iaar kememej kōjeram̧m̧an eo ilo petriak eo aō. Kōjeram̧m̧an eo eaar jiron̄ eō enaaj lōn̄ kapo ko n̄an eō im eļan̄n̄e Inaaj en̄jake, elōn̄ kajjojo ro iaer renaaj ļoor eō. Eaar tōre eo Iaar kile Ij aikuj in pād wōt ilo iaļ eo—ejjab wōt n̄an eō make ak n̄an ro jet me renaaj kalimjōk eō. Iaar kālet n̄an kōņak wōt jakut eo.
Jet iien kar kōm̧m̧an kōjak kōn eō kōn men ko Ijjab kōm̧m̧ani āinwōt ro rej kōm̧m̧ani, ak Iaar kajoor wōt im kar jeram̧m̧an jeni. Tokālik Iaar jeļā bwe elōn̄ armej raar reitok wōt n̄an eō. Jet iaan ro m̧ōtta raar jiron̄ eō ke raar nōbar eō n̄an ļoor jon̄ok ko aō. Raar joļo̧k aer bōd kōn ļōkatip ko litok n̄an eō n̄an jab kōm̧m̧ani men ko ro jet rej kōm̧m̧ani ilo kar high school eo.
Kōnke Iaar ļoor jon̄ok ko an Kabun̄ in im kar kajjieon̄ in juon waanjon̄ak, Iaar bōk en̄jake ko an mijenede im kwaļo̧k ko̧jpeļ eo n̄an ro jet. Ijjab kar maron̄ in kareel ro jet eļan̄n̄e iaar jab pād wōt ilo iaļ eo ejim̧we.