Jodikdik ro
Ekōjkan Aō Pād wōt im Kajoor ilo Ko̧jpeļ
Iaar peptaij ke iaar 12 iiō detta, im ium̧win elōn̄ iiō ko N̄a wōt kar membōr in Kabun̄ in ilo baam̧le eo aō. Eaar jab pidodo aolep iien, ak Iaar jeram̧m̧an kōn ritōl ro rem̧m̧an ro raar jipan̄ eō ilo iaļ in ekkatak eo aō kōn katak ko an ko̧jpeļ eo im kōjerbal katak ko n̄an kōkajoorļo̧k im kōkm̧anm̧anļo̧k mour eo aō. Kōnke kōn ļōmņak eo aō n̄an pād wōt im m̧ool n̄an ta eo Ij tōmak ie, em̧ōj Aō lo elōn̄ kōjeram̧m̧an ko raar itok n̄an mour ie aō, im tokālik, n̄an mour ko an ro uwaan baam̧le eo barāinwōt.
Erkein jet men ko me raar jipan̄ eō pād wōt im kajoor.
-
Pād epaake Jemedwōj Ilan̄ kōn m̧akūtkūt ko āinwōt jar im ekkatak jeje ko rekwojarjar. Ej ļōmņak kōn jekjek ko jej jelm̧ai. Pād epaak E eaar jipan̄ eō keememej wōn N̄a.
-
Ļoor ko̧o̧njeļ eo an ritōl ro an Kabun̄ in. Em̧ōj Aō loe ilo mour eo aō make m̧ool eo an ko̧o̧njeļ eo jen rikanaan im rijilōk ro.
-
Jeļā bwe mour kōn ko̧jpeļ eo ej ejake juon mour em̧m̧an kiiō im n̄an indeeo. Menin eaar jipan̄ eō dāpij jon̄ok ko im tōmak eo aō. Ritōl ro rej kōketak eō n̄an pād ilo tampeļ eo eaar jipan̄ eō lo mour indeeo.
-
Kapooļ eō make kōn ro m̧ōttam̧ rem̧m̧an ro rej kōjparok jon̄ok ko am̧. Iaar jeram̧m̧an kōn ro m̧ōtta ro raar kōm̧m̧an bwe en pidodo n̄an kōm̧m̧ani jokālōt ko rejim̧we im kōjparok tōmak eo aō.
-
Pād epaake baam̧le eo am̧. Ij iakwe baam̧le eo aō im kōņaan ejaaki jemjerā ko rekajoor ippāer.
-
Mour kōn mour. Ļoor jon̄ok ko im pād bōk koņaaō ilo būrookraam̧ ko an Kabun̄ in. Renaaj jipan̄ eok kwaļo̧k tōmak im kōm̧m̧ane kālōt ko rem̧m̧an. Kālōt ko rem̧m̧an emmakijkij aer kōm̧m̧an bwe mour en pidodo, im iien otemjej rej kōm̧m̧an bwe mour en m̧ōņōņō ļo̧k.