2012
Kajjitōk ko im Uwaak ko
Oktoba 2012


Kajjitok ko & Uwaak Ko

“Ta meļeļein n̄an kautiej priesthood eo an Anij?”

Priesthood eo ej juon kajoor me Jemedwōj Ilan̄ im Jisōs Kraist rej kōm̧mane jerbal eo Aer. Ej kajoor eo ekajoortata ioon laļ in. Kōn priesthood eo, kain̄i ko rej kōm̧m̧an, kōjeram̧m̧an ko rej litok, jerbal eo an tampeļ ej dedeļo̧k, ko̧jpeļ eo ej ajeded, im kabwilōn̄lōn̄ ko rej kōm̧m̧an.

Rikabwijer priesthood ro rej pinej jenkwan Rilo̧mo̧o̧r eo, kōn menin rej kautiej priesthood eo n̄an kōm̧m̧ane ta eo Rilo̧mo̧o̧r eo enaaj kar kōm̧m̧ane eļan̄n̄e En kar pād ijin. Rej kautiej priesthood eo ilo aer mour erreo. Rej kautiej priesthood eo kōn paoktokier, m̧akūtkūt ko, naan ko, jerbal in jipan̄, im barāinwōt ļōmņak ko aer.

Jiron̄ ro rej barāinwōt kautiej priesthood eo ilo aer kōjparok bujen ko an peptaij im m̧ōņōņō in bōk kuņaer ilo kain̄i ko an priesthood āinwōt kwojkwoj eo ak jerbal in tampeļ. Remaron̄ rie ro jemāer, būratōr ro aer, im rikabwijer priesthood ro jet n̄an kōjparok kien ko im mour erreo n̄an kōm̧m̧ani eddo ko aer ilo priesthood.

Kōj aolep jemaron̄ kautiej priesthood eo ilo ad kōm̧m̧ane kūr ko ad ilo tiljek, n̄an kautiej ro rej kabwijer priesthood eo, n̄an kautiej jerbal ko rededeļo̧k, im n̄an jipan̄ kautiej kain̄i ko im bujen ko ej jipan̄ kōj būki.

M̧akūtkūt Āinwōt juon Ripinej Jenkwan Anij

Eļan̄n̄e jenaaj jino meļeļe ewi jon̄an aiboojoj in menin letok in Anij eaar letok, innām kautiej priesthood eo enaaj pidodo: jerbal kōn kam̧m̧oolol im kauteij m̧aanļo̧k kajoor eo em̧ōj kar lewaj. Kajjitōkin eok make, eļan̄n̄e kajjojo ro ipeļaakū rejeļā ke Ij kabwijer kajoor eo an Anij, en ke lapļo̧k ak dikļo̧k aer ļōmņak kōn E? En̄in ej wāween kautiej priesthod eo—ej kalikar ke kwoj juon ripinej jenkwan Anij im kwoj kōm̧m̧ane ijo kuņam̧ em̧m̧an tata n̄an jerbal ilo juon wāween kwaļo̧k kōn lōke eo em̧ōj An likūt ioom̧.

Mason R., 19 iiō, Colorado, USA

Kwon Wānōk

Āinwōt juon jiron̄ Imaron̄ ba bwe Ij aikuj in kautiej priesthood eo. Bōtaab aolep jiron̄ ro rej aikuj. Jej kautiej priesthood eo kōn wānōk. Jej kautiej priesthood eo n̄an jipan̄ ļaddik ro bōk ļōmņak ko rerreo. Jej kōņak nuknuk ko rekarbab im kōnono naan ko rem̧m̧an. Ilo kōm̧m̧ane menin, jej jipan̄ ļaddik ro kautiej priesthood eo, bwe jej barāinwōt kautiej priesthood eo.

Marisa B., 14 iiō, Arizona, USA

Kōm̧m̧ane Jerbal eo Am̧ n̄an Anij

Wāween eo eaorōktata n̄an kautiej priesthood eo ej, ilo ļōmņak e aō, n̄an kōm̧m̧ane men ko me Irooj make en kar kōm̧m̧ani eļan̄n̄e En kar pād ioon laļ in, kōnke jej pinej jenkwan Jisōs Kraist. Ej meļeļe in jej kakūrm̧ool aolep kallim̧ur ko, eddo ko, im kallim̧ur ko me jaar kōm̧m̧ani ippān Anij ke jaar ekkapit n̄an priesthood eo. N̄an kautiej priesthood eo An, jej ļoor An in naan n̄an jerkak im romaak bwe meram eo ad en juon jon̄ok n̄an aolepen laļ (lale D&C 115:5). Jej jipan̄ ro jet n̄an jeļā bwe elōn̄ rijerbal ro kar kōmālim an Anij ioon laļ in.

Bismarck B., 18 iiō, Santo Domingo, Dominican Republic

Kwaļo̧k Kautiej n̄an Priesthood eo

Ij ļōmņak bwe kautiej priesthood eo ej wōr kautiej im lōke ilo kōjerbal priesthood eo. N̄e ewōr ro uwaan Priesthood eo an Aron ro rej kautiej priesthood eo im kwojkwoj eo barāinwōt ilo ad kōm̧m̧ane ilo ward ko ad make, innām komaron̄ bōk jet en̄jake ko rem̧m̧an ilo leto-letak im kōpooj kwojkwoj eo. Jej aolep kōņak jōōt ko remouj im tae ko. Jejeļā bwe ej kōm̧m̧an juon oktak eļap ilo ward eo, im ej kōm̧m̧an juon oktak em̧m̧an ilo n̄a. Ijeļā bwe kabwijer priesthood eo ej men eo em̧m̧antata me eaar jelet eō.

Hansen B., 15 iiō, Texas, USA

Kememej Rilo̧mo̧o̧r eo

Priesthood eo ej make wōt kajoor eo em̧ool an Anij ioon laļ in im ej kwaļo̧k iaļ eo n̄an kōj n̄an jepļaakļo̧k n̄an E. N̄e jej ļōmņak kōn kautiej priesthood eo, jej ļōmņak in ļoor katak ko jān Būreejtōn Thomas S. Monson im Rijilōk ro jet. Wāween eo em̧m̧antata n̄an kautiej priesthood eo ej n̄an kōm̧m̧ani men ko jaar ekkatak, ko rej kōm̧m̧an bwe jen kememej Rilo̧mo̧o̧r eo. N̄e jej kememej E, Jetōb eo An enaaj pād ippād. Bōk Jetōb eo ekōm̧m̧an bwe jen dim im juon waanjon̄ak kōn jon̄ok ko an ko̧jpeļ in.

Kūlaaj in Jabōt Jikuuļ: Kylie E., Jaiten B., Joseph E., Alexandra R., Kaylie V., Alisha F., im Haylee W. (eaar jab pija); Idaho, USA

Jab Keidi Jon̄ok ko Am̧

Kautiej priesthood eo meļeļein jab likūt eok make ilo jekjek ko ijo kwojeļā komaron̄ keidi jon̄ok ko am̧. Ke jaar ekkatak ilo Kallim̧ur M̧okta ilo jemnere, jaar lo ilo Jenesis 39 waanjon̄ak eo an Josep in Ijep ilo an kautiej priesthood eo an ilo an kar ko jān kōrā eo ippān Potiphar.

Juon wāween n̄an jiron̄ ro n̄an jipan̄ kōj kautiej priesthood eo ej n̄an ļoor jon̄ok ko im nuknuk ko rekarbab ilo Non Kokajur Jodrikdrik Ro.

Joseph B., 16 iiō, Texas, USA

Rie Priesthood eo

Kautiej priesthood eo meļeļein n̄an eō ej bwe ļaddik ro rej kautiej im rie menin letok eo me Irooj eaar liļo̧k n̄an er. N̄e Ij lo an juon likao kautiej priesthood eo, ekanooj ļap aō en̄jake aenōm̧m̧an im eļapļo̧k Aō nōbar likao eo. Jemedwōj Ilan̄ eaar lōke e kōn priesthood eo, kōn menin Ij en̄jake bwe ej juon eddo an juon likao ejjab wōt n̄an kabwijer priesthood eo ak barāinwōt n̄an rie.

Melinda B., 16 iiō, Washington, USA