Beku n te Ekaretia
Taian Kaeka n te Reirei n Taabati
Iai te nano ae korakora ni kan noori kaekaan nako au kanganga—man bubutian te Uea ni buokai ni kakaea te bwai teuana are e karaoi bwaai ni kabane. I reiakinna bwa te kawai ni kaniaki aei e karaoi riki bwaai bwa a na kanganga nakon are mai mwaaina.
Ngke I reirei te Gospel Doctrine n au uoote, E reke au iango bwa n na titirakinia titiraki aika a nano are e kantaninga te iango ao taian kaeka aika a tamaroa. Are nanona, I tangiria bwa n na katoka taekinan te reke ae a maan “Taian Kaeka n te Reirei n Taabati” are aki toki n anga membwa ni katoa wiiki.
Ngke I kakae n au katauraoi n te Nutetemanti, I rotaki ni kamanenaan te taeka maeka, are aki toki ni kaoti ni katoa tai. N aron te katotoo, Ioane 15:10 e taekinaki, “Ngkana kam kawakin au tua, ao kam na maeka n tangirau; n ai arou ngkai I kawakin ana tua Tamau, ao I maeka n tangirana” (kairan katuruturuana).
N Ana tataro, te Tia Kamaiu e tataro bwa Ana reirei “ana katiteuanaaki; ngkai ko mena inanou, Tamau, ao ngai inanom, bwa a na mena naba inanora” ao “ngai inanoia, ngkoe inanou, bwa na riki ni katiteuanaki” (Ioane 17:21, 23).
Mwaitin are I kakae iaona ngaia ae I kona ni kaniaki iai nakon te Uea ni maeka n ana tangira, ao ni kanga, n aron tokina, I kona ni karikirakea te—nanorinano are I rangi ni kainnanoia bwa e na bitii ake I reiakin man bwaai ake anganai te kua nakon baika a kamaiua au iango ao man kaitiakai.
Tekeraoina; bwa ngke I kakae ibukin te kan ota n te taeka aei maeka ao kaekaan nako taian kanganga ake I kaitarai ni katoa tai, I waekoa ni kairaki rikaki nakon kaeka man te Reirei n Taabati ake I a tia ni kataia n totokoi. I kunei taian kaeka nakon au kanganga man warekan booki aika a tabu, te tataro ni katoatai, te beku ibukia au utu ao tabeman, kakaean te tembora ao irakin au Bowi ni katoa Taabati. I reiakinna bwa man bwaai aika a bebete aikai a kona ni karika te kaokoro imarenan te teimatoa ao n teimatoa raoi ma te nanorinano.
Taian Kaeka man te Reirei n Taabati ngaia kaeka aika a Tamaroa.