Butimwaean te Tiitin ae Boou n te Maiu
Ko maeka n taabo aika a bitaki karan taian kai n tauraoi ibukin te winta? Raoraou aika aman aikai a maeka iai. Noah B., Dylan L., Patrick M., ao Ben M. a bane ni maeka n te Prince Edward Island n raroa nako ma maeaon mataniwiin aban Canada. N aron kaai, ataeinimwaane aikai a tauraoi nakon te tiitin ae boou n te maiu. A bane ni koro 12 aia ririki inanon teuana te ririki imarenaia, anne are nanona taekina tiabo nakon te Moanrinan ao mauri nakoia Kairake n Ataeinimwaane. Aikai bwaai aika a na taekin ibukin te rikirake ao te waaki nako.
Riiki bwa Boni Ngkoe
Ngke e mwaing nako ikai Noah, raoraona aika boou a buokia ni bitia nakon maiun te abamakoro. Ngkai, ngaia te kabanea n ikawai inanon te kurubu, e buokiia ni kataneiaia nakon te maiu n Ateinimwaane. “I raraoma ibukin butimwaeakiu ao kinakiia ake tabeman,” Noah e taku ibukin wakinakin te Ataeinimwaane. “Te nakon bootaki ni kakukurei e bon rangin n ibuobuoki.” Ana anene Noah ae mamate nanona iai n te Moanrinan bon taekan ana buaka Ereman, ao anne are e noora iai te kooram n te nakoanibonga—bwa a bobotaki, n te nano ae ti teuana.
Ana reirei? “Riiki bwa Boni Ngkoe.”
Karinea te Nakoanibonga
Ibukin Patrick, karekan te nakoanibonga tiaki ibukin bitakin te ririki. Bon ibukin ae ko a tau ao n tauraoi. “Ko aki ti karekea te nakoanibonga ibukina bwa e a koro 12,” E taku Patrick. “Ko riai n tauraoi.”
Dylan e ata aron kakawakin te katauraoiu. E kataia n nakon te taromauri 15 te miniti bwa e na katauraoia n tamneina imwain are e kabuta te toa. “I’a tia ni kabuta te toa teniua ke aua te tai, ao ni katoa tai te Tamnei e riinga nanou. I aki kakoaua ae n na kona n taneiai iai,” e taku.
Ben e taekinna bwa kabutan te toa e kauringa n te Kabanea n Amwarake: “Iesu e tei ikekei. Ti bane n tei n te tabo are e tei iai Iesu, ao E tangiriira bwa ti na mena ikekei.”
Taratara nakon te Tembora
Ben e mwakuriia aron karekean ana Faith in God Award ao e rangin n ingainga nanona ni karaoa te bwabetito ibukiia maate n te moan tai. “I tuai man rin inanon te tembora, ma aomata tabeman aki toki ni kakaota aia koaua n aron kakukurein ao tamaroan aia namakin imwiin nakoia,” e taku Ben.
Noah e nakon te tembora n te moan tai e tuai n rangi ni maan. E taku bwa kairake n ataeinimwaane ake n ana kooram a karikia kanga aia utu. “E na bae n nako nanom, ma iai aomata ikekei aika a kona ni buokiko,” e taku. “Ko na namakina te butimwaeaki raoi”
Nooa
Dylan
Patrick
Ben
Rawetamnei iroun Marissa Widdison