Si Elder Oaks Mibisita sa Japan Usa ka Tuig Human sa Linog

Hapit usa ka tuig human sa linog ug tsunami nga migun-ob sa Japan, si Elder Dallin H. Oaks sa Korum sa Napulog Duha ka mga Apostoles ug si Elder Donald L. Hallstrom sa Kapangulohan sa Seventy mibisita sa nasud ug mipahayag og mensahe sa paglaum ug gugma.

Sulod sa 12 ka adlaw sa Pebrero, sila si Elder Oaks ug Elder Hallstrom, inubanan sa ilang mga asawa, sila si Kristen Oaks ug Diane Hallstrom, mibiyahe sa Asia North Area, mibisita sa Kumamoto, Nagasaki, Sendai, ug Tokyo, ingon man sa mga siyudad duol sa bay-bayon sa dapit sa Tohoku.

Sa artikulo sa Church News, gipasabut ni Elder Oaks ang usa sa katuyoan sa biyahe: “Kita nagtinguha nga mohupay human sa grabeng kalamidad ug tsunami nga nahitabo mga usa ka tuig na ang milabay ug para usab motudlo ug mopamatuod nga kanunay namong ipahayag kon makig-miting sa mga misyonaryo ug mga miyembro sa Simbahan.”

Si Elder Oaks ug ang ubang mga lider sa Simbahan nakighimamat sa mga Hapon nga Santos sa Ulahing mga Adlaw, mga misyonaryo, ug sa uban pa ug miawhag kanila sa “pagpangita sa paagi nga ang Ginoo nagpahinungod sa kasakit alang sa inyong kaayohan.”

Sa pagbasa sa pagpangalagad sa ubang mga lider sa Simbahan sa tibuok kalibutan, lakip nila ni Elder M. Russell Ballard sa Brazil, Elder Jeffrey R. Holland sa West Africa, Elder David A. Bednar sa Caribbean, Elder Quentin L. Cook sa Australia ug New Zealand, Elder D. Todd Christofferson sa Central Europe, ug Elder Neil L. Andersen sa Brazil, bisitaha ang news.lds.org ug prophets.lds.org.

Si Elder Dallin H. Oaks ug iyang asawa, si Kristen, kinsa nagmisyon sa Sendai, mieksamin sa kalamboan nga nahimo sa Japan sukad sa makapatay nga tsunami ug linog niadtong Marso 2011.

Gilitratohan ni Osamu Sekiguchi