Mga Pagtulun-an alang sa Atong Panahon

Ang mga leksyon sa Melchizedek Priesthood ug Relief Society mogahin sa ikaupat nga mga Dominggo sa “Mga Pagtulun-an sa Atong Panahon.” Ang matag leksyon mahimong andamon gikan sa usa o daghan pang mga pakigpulong nga gihatag diha sa pinaka bag-o nga kinatibuk-ang komperensya (tan-awa ang tsart sa ubos). Ang mga stake ug district president mahimong mopili kon unsa nga mga pakigpulong ang angayng gamiton, o mahimo nilang ihatag ang responsibilidad ngadto sa mga bishop ug mga branch president. Ang mga lider kinahanglan mopasabut pag-ayo sa kaimportante sa mga kaigsoonan sa Melchizedek Priesthood ug Relief Society nga magtuon sa parehas nga mga pakigpulong sa samang mga Dominggo.

Kadtong motambong sa ikaupat nga Dominggo nga mga leksyon giawhag sa pagtuon ug pagdala ngadto sa klase sa pinakabag-ong isyu sa magasin sa kinatibuk-ang komperensya.

Mga Sugyot alang sa Pag-andam og Leksyon gikan sa mga Pakigpulong

Pag-ampo nga ubanan ka sa Balaang Espiritu samtang ikaw magtuon ug motudlo sa (mga) pakigpulong. Mahimong matintal ka sa pag-andam sa leksyon gamit ang ubang mga materyal, apan ang mga pakigpulong sa komperensya mao ang giaprobahan nga kurikulum. Ang imong buluhaton mao ang pagtabang sa uban nga makat-on ug makasunod sa ebanghelyo sumala sa gitudlo sa pinakabag-o nga kinatibuk-ang komperensya sa Simbahan.

Ribyuha ang (mga) pakigpulong, mangita alang sa mga baruganan ug mga doktrina nga makatubag sa mga panginahanglan sa mga sakop sa klase. Tan-awa usab ang mga istorya, mga pakisayran nga mga kasulatan, ug mga pamahayag gikan sa (mga) pakigpulong nga makatabang kanimo sa pagtudlo niini nga mga kamatuoran.

Paghimo og outline kon unsaon sa pagtudlo ang mga baruganan ug mga doktrina. Ang imong outline kinahanglan maglakip sa mga pangutana nga makatabang sa mga sakop sa klase:

• Pangitaa ang mga baruganan ug mga doktrina nga anaa sa (mga) pakigpulong.

• Hunahunaa ang ilang mga kahulugan.

• Ipaambit ang mga pagsabot, mga ideya, mga kasinatian, ug mga pagpamatuod.

• Ipagamit kini nga mga baruganan ug mga doktrina sa ilang mga kinabuhi.

Mga Bulan nga ang mga Leksyon Itudlo	Mga Materyal sa Leksyon alang sa Ikaupat nga Dominggo
Abril 2012–Oktubre 2012	Mga pakigpulong sa Abril 2012 nga kinatibuk-ang komperensya*
Oktubre 2012–Abril 2013	Mga pakigpulong sa Oktubre 2012 nga kinatibuk-ang komperensya*

• Alang sa mga leksyon sa ikaupat nga mga Dominggo sa Abril ug Oktubre ang (mga) pakigpulong mahimong pilion gikan sa miaging komperensya gikan sa labing bag-o. Kini nga mga pakigpulong anaa sa daghang mga pinulongan sa conference.lds.org.