Bishop Dean M. Davies
Ikaduhang Magtatambag sa Presiding Bishopric
Sa dihang ang Presidente sa Simbahan nangutana ni Bishop Dean Davies og mga detalye kabahin sa usa ka posibleng dapit nga tukuran og templo, sama sa kadugayon sa paglakaw ngadto sa hununganan sa bus, si Brother Davies dili magtag-an-tag-an. Siya mismo, nasayud sa kasinatian sa usa ka patron nga nakalakaw sa agianan.
“Giunsa na nimo?” Nangutana kausa si Presidente Gordon B. Hinckley kaniya.
Naka-focus sa debosyon ug pagtan-aw og maayo sa mga detalye mao ang paagi nga si Bishop Dean Myron Davies—bag-ong gitawag isip Ikaduhang Magtatambag sa Presiding Bishopric—nagpakabuhi.
Natawo sa Siyudad sa Salt Lake, Utah, USA, niadtong Septyembre 1951 ngadto nila ni Oliver T. ug Myra Davies, si Bishop Davies nagtubo sa usa ka pamilya diin ang gugma ug buhat mao ang mga baruganan. Kon siya adunay gusto nga butang, kinahanglan niya kining hagoan. Sa dihang, ang kanunay nga paghangyo ngadto sa iyang inahan wala magsilbi aron palitan og dulaan, iyang gihunahuna ang iyang mga opsyon. Siya nakahinumdom sa pisikal nga kakapoy ug katagbawan sa pagtulod og karaang lawn mower sa tag-as nga mga sagbut sa iyang silingan.
Human magserbisyo sa Uruguay/Paraguay Mission gikan 1970 hangtud 1972, siya miuli ug giminyoan si Darla James, usa ka higala sa dihang batan-on pa siya, niadtong Hunyo 1973 sa Templo sa Salt Lake. Si Bishop Davies nakaangkon sa bachelor’s degree sa agricultural economics gikan sa Brigham Young University niadtong 1976 ug sa wala madugay nakadawat og advanced executive training sa Stanford ug Northwestern Universities.
Sa mga katuigan, siya ug ang iyang asawa ug ang ilang lima ka anak nakapuyo sa unom ka estado samtang siya nagtrabaho sa real estate industry. Siya nagserbisyo isip stake president, magtatambag sa stake presidencies, sa lima ka mga high councils, sa bishopric, ug lain-laing mga buluhaton diha sa ward. Siya usab nagserbisyo isip presidente sa Puerto Rico San Juan Mission gikan 1998 hangtud 2001. Atol sa iyang labing bag-o nga calling, siya nagtrabaho isip managing director sa Church’s Special Projects Department.
Usa sa mga leksyon nga iyang nasinati mao nga “ang Ginoo naghigugma ug naggiya sa Iyang mga anak.”