Komentaryo
Ang Kompas nga Kinahanglanon
Ang Liahona mao ang akong kahayag niini nga kinabuhi. Uban niini, dili gayud ako masaag. Nagatuo ako nga ang tanan nga mobasa sa mga magasin sa Simbahan makakita sa tukmang paagi kon unsa ang iyang gikinahanglan. Ako ang presidente sa Primary, ug akong nakita nga ang mga bata ganahan nga maminaw sa mga istorya mahitungod sa mga bata sama nila diha sa magasin. Ang Liahona mao ang kompas nga gikinahanglan kaayo sa atong kinabuhi; makatabang kini kanato nga malikay sa mga gahong ni Satanas.
Yanina Ivanivna Davydenko, Ukraine
Ang mga Kasinatian Makahatag og Kahupayan
Ang Liahona nakatabang kaayo kanako pinaagi sa mensahe ug mga artikulo niini. Uban sa samok namo nga kinabuhi, kasagaran akong mahunong sa adlaw ug mobasa og usa ka artikulo gikan sa magasin nga nagpakigbahin sa mga kasinatian sa kinabuhi sa ubang mga miyembro. Kini nga mga artikulo kanunay nga nakatabang kanako aron makakita og espirituhanong kahupayan ug mabag-o ang akong tinguha nga makabalik sa presensya sa Dios ug ni Jesukristo uban sa akong pamilya.
João Carlos, Brazil