Ang BibleVideos.LDS.org Gasa sa Kalibutan

Atol sa 2011 nga Debosyonal sa Pasko sa Unang Kapangulohan, ang mga lider sa Simbahan mipresentar sa The Life of Jesus Christ Bible Videos website, usa ka “gasa” sa kalibutan.

BibleVideos.lds.org usa ka tipiganan alang sa orihinal nga mugbong mga video nga nagpakita sa mga eksena sa kinabuhi ni Kristo, nga nagsugod gikan sa mga anghel nga nanagna sa pagkatawo ni Kristo hangtud sa Pagkabanhaw sa Manluluwas.

Si Presidente Henry B. Eyring, Unang Magtatambag sa Unang Kapangulohan, mipahibalo sa mao nga site atol sa debosyonal.

“Sama sa mga kasulatan diin matinud-anong gisubay kining minugbo nga mga salida maingon og hilum kini alang kaninyo,” siya miingon. “Ang inyong hugot nga pagtuo ug ang Espiritu Santo momugna og emosyon nga angay niining mausab-usabon nga kalibutan.”

Ang mga materyal alang sa mga video gisangkap gikan sa footage shot sa new LDS Motion Picture sa Simbahan sa Studio South Campus sa Goshen, Utah, diin ang paghimo og salida sa Bag-ong Tugon nga Proyekto sa Library sa Kasulatan gisugdan niadtong Agosto 2011.

Ang proyekto mohimo pa og kapin sa 100 ka mugbong mga salida nga maghulagway sa kinabuhi ni Kristo, nga gikuha direkta gayud gikan sa teksto sa King James Version sa Biblia.

Ang website adunay mahigalaon nga mobile design ug naa na kini sa Iningles (BibleVideos.lds.org), Spanish (videosdelabiblia.org), ug Portuguese (videosdabiblia.org). Usa ka libre nga iPad app anaa na usab, nagtanyag og bag-ong paagi sa pagsinati sa mga istorya sa Biblia pinaagi sa pagtan-aw, pagpaminaw, ug paghikap.

Sa kadugayan, mokabat sa hapit 100 ka mga video nga nagpakita sa mga eksena sa kinabuhi ni Kristo sa Bag-ong Tugon maanaa na sa website nga The Life of Jesus Christ Bible Videos.

KREDITO: