Te Rongorongo man te Moan Beretitentii
“E A Uti”
ANA Kakoaua te Burabeti
“Te wewete ae korakora nakoia Kiritian ni kabuta te aonaaba,” E a tia Beretitenti Thomas S. Monson ni katanoata, bwa Iesu te Inatareta e a tia n uti man te mate. “Koauan raoi te Mangauti e katauraoia nakon temanna ke ni kabane te rau are e aki konaaki n ataaki teutana” (taraa I- Biribi 4:7).1
Inanon marooro ake imwiina, Beretitenti Monson e tibwaua ana kakoaua ao ana kakaitau ibukin te Mangautin te Tia Kamaiu ao ni katanoata bwa bukina ngkai te Nati e tokanikai man te mate, ni kabane naati aika Onimaki ake a roko nakon te aonaaba a na manga maiu.
Te Maiu Imwain te Maiu Ae Mamate
“I kakoaua bwa akea mai ibuakora ae kona n iangoa bwaninin ana mwakuri Kristo ae karaoia ibukira i Ketetemwane, ma I kakatonga ni katoabong ni maiu ibukin Ana mwakuri ni kamaiu ibukira.
“N te kabanea n tai, E kona n tia n tanrikaaki. Ma E aki. E kitani bwaai ni kabane ake E na kona iai ni kamaiu bwaai ni kabane. Ni karaoan aei, E anganiira te maiu imwiin te maiu ae mamate aei. E a kaman kamaiuira man Bwakan Atam.
“N tamneiu ae korakora, I rangin ni kakatonga Ibukina. E reireiniira arora ni maiu. E reireiniira bwa ti na kanga ni mate. E kamaiui tamneira.”2
E Kanakoa Roon te Mate
“N taian kanganga tabeua, te katoto n te karawawataaki ao te aoraki ae korakora, te mate e roko bwa te anera n nanoanga. Ma n angiin te tai, ti iangoia bwa a na kairiribai kukurein te aomata.
“E kona n taainako n nako roon te mate man otan te koaua are kaokaki. ‘Boni Ngai te maangauti, ao te maiu,’ e taetae te Mwatita. ‘Ane e onimakinai, ngkana tao e boni mate, ao e na manga boni maiu: Ao ane maiu ma n onimakinai ao e na bon aki mate.’
“Te manga kakoaua aei—eng, e ngae ngke kakoauaan—te tamnei ae tabu imwiin te mate e kona raoi ni karekea te rau are e beritanaki iroun te Tia Kamaiu ngke E kamatoaia Ana reirei: ‘I katuka te rau i roumi, I anganingkami au rau: I aki angnai ngkami n ai aron te aba, ngkana e anga. A na tai rawawata nanomi, ao a na tai maku.”’3
Akea Ikai
“E a manga maiu riki ara tia Kamaiu. Te kabanea ni kakukurei, ni karaunano, ao manga kakoaauaan bwaai aika a tia n riki n rongorongon te aomata—te tokanikai iaon te mate. Te maraki ao te karawawataaki i I-Ketetemwane ao i Kariraia e a tia ni kamaunaaki. Manga kautakiia aomata e a tia ni kawakinaki raoi. Bwakan Atam e a tia ni kanakoraoaki riki.
“Te bwanganimatang ae akea kanoana ni moaningabongin te itia anne bon kaekaan ana titiraki Iobi, ‘Ngkana tao e mate te aomata, ao e na manga maiu ke e aki?’ Nakoia ni kabane inanon oin bwanaau, I katanoata, Ngkana e mate te aomata, e na manga maiu. Ti ataia, bwa iai iroura te ota ni kamaiu are e kaota koauana. …
“Tariu ao mwaneu aika kam tangiraki, n nanokawakira ae korakora, ti kona ni karekea te rau ae nano man bwanaia anera n ni moaningabongin te Itita anne: ‘Akea ikai: bwa e a uti.’”4
Ni Kabane Aomata A Na Manga Maiu
“Ti ngarengare, ti tang, ti mwakuri, ti takakaro, ti tangira, ti maiu. Ao imwiina ti mate. …
“Ao ti na teimatoa ni mate ma ngkana tiaki ibukin temanna te Aomata ao Ana mition, riki Iesu te Inatareta. …
“Ma nanou ni kabane ao nanon tamneiu ae korakora, I tabekarake bwanaau bwa te tia kakoaua n te koaua ae onoti ao ni katanoata bwa e maiu te Atua. Iesu bon Natina, ti Ana Riki Temanna te Atua n te rabwata. Ngaia bon te Tia Kabooi Maiura; Ngaia bon ara Tia Raoi ma te Tama. Boni Ngaia are e mate iaon te kaibangaki ni kamaiura man ara bure. E riki bwa te moa n uaa n te Mangauti. Bukina bwa E mate, a na bane ni manga uti.”5
Te Koaua Bon Ibukim
“I katanoata au koaua bon irou bwa e a tia n tae ana kai te matae, te tokanikai iaon te ne ni mate e a tia n reke. A bia taeka ni karaoaki bwa ana tabu ma Irouna ake e kakoroi bukiia a riki bwa atatai nakoira ni kabane. Uringii. Kakaitau ibukiia. Karinei. E a uti.”6
Anga reirei man te Rongorongo Aei
Imwiin tibwauaan taeka man ana rongorongo Beretitenti Monson, tarai koaua ake e taekin iaon koauan raoi nanon te Itita. Ko kona n titirakiniia kaain te utu titiraki aikai: “Tera ae nanonaki nakoim ngkai e a tia te burabeti ae maiu ni kaoti koauan koaua aikai n te bong aei? Ko na kanga ni kabonganai inanon maium?” Iangoia ni karina am koaua.
Toma te Nanonoua, iroun Carl Heinrich Bloch