Ni Bootaki n Taetae

Aikai tabeua iango ibukin karaoan am “tai n taetae” i nanon am utu:

• Tuangiia am karo ibukin kaokoroan tabeua miniti ni katoabong ibukin am utu ni bootaki n taetae. E kona ni karaoaki n tain te amarake ke n te tai ae koteaki n te bong anne.

• Taraia raoi bwa ni kabane a na reke aia tai n taetae ao ni kakauongo. Kariniia ni kabane!

• Karinei aia iango kaain te utu. Kakoaua bwa ni kabaneia a namakina anne ngkana teuanne ke neienne are e taekinna e bon kakaawaki.

Takaakaro n te Taetae ni Kawai

Ko tangirii tabeua iango ibukin te tai n taetae? Katai taian takaakaro aikai:

Te Kare n te Baeki ni Biin: Ngkana am utu e buubura ke ngkana iai te kaangaanga ni karaoan aia tai, kamanenaa te baeki ni biin ni kaotia bwa antai ana tai n taetae. Imwiin te aomata ma te baeki ni biin e taekina tera are e tangiria n taekinna, karenako te baeki ni biin nakon temanna kaain te utu bwa ana tai n taetae.

Te Tia Intawiu: Kamaenakoia nakon uoua te kurubu ao a na ikaruoruo ni bakan riki bwa taan tia intawiu. Iangoi tabeua titiraki ibukin toam ao ngkanne tuanga teuanne ke neienne taian titiraki. Ko kona naba ni kamanenaa te bwai ae bon koaua ae te bwaintaetae ke te bwainrawebwanaa ibukin am intawiu.

Tera Ae Kona Karaoia? Ikaruoruo n titirakiniia am utu titiraki aika kakaokoro ake a moanaki ma “Tera Ae Kona Karaoia … ?” Tabeua katotoo aikai “Tera ae ko na karaoia ngkana ko bua?” ao “Tera ae kona karaoia ngkana ko kona n nako n taabo nako n te aonaaba?”

Te buoka ibukiia Kaaro: Temanna-iaon-temanna n te Tai

N aron ae kaunga te taetae n aron ae te utu, e bon kakaawaki ibukiia kaaro ao ataei bwa a na kabanea temanna-iaon-tamanna n te tai ni bootaki n tii teuana. Anaa rakan am tai inanon te bonga anne ni kawariia natim n tatabemaniia nako. Kaoa temanna natim n te taina ni buokiko ni katiaa te mwakuri n te auti, n iiriko ni mwanangam teuana, ke n taetae ma ngaia inanon amu ruu inanon tabeua te miniti. Tii ibukin tabeua te tai ae kimototo e kona ni kairiko nakon te taetae ni kawai ae iai nanona.