Tohi ki he ʻĒtitá
ʻOkú Ne ʻOmai e Ngaahi Lea Ongo Mālie
ʻOku ʻomai ʻe he Liahoná ʻa e ngaahi lea ʻa e kau palōfitá ki he kāingalotu ʻo e Siasí ʻoku nau mafola ʻi māmani kotoá. ʻI he taimi ʻoku ou lau ai ʻa e Liahoná, ʻoku ou ongoʻi e Laumālié peá u maʻu ʻa e fakahinohino. ʻOkú ne tokoniʻi au ke u ʻiloʻi ʻa e ngaahi meʻa ʻoku totonu ke u faí. ʻOku ou fakamālō ki he makasiní—ʻokú ne liliu ʻeku founga moʻuí ʻo fakafou ʻi he ngaahi lea ongo mālie ʻokú ne ʻomi kiate aú.
Maliana ta Kulasa ʻAkositō, Mōsemipiiki
Fakamālohia mo Fakafoʻou ʻe he Ngaahi Pōpoakí
ʻOku ou saiʻia hono lau e makasini Liahoná—ʻoku fakamālohia mo fakafoʻou ʻeku fakamoʻoní ʻi he taimi ʻoku ou fakalaulauloto ai ki he ngaahi pōpoaki ʻa e kau palōfita moʻuí. ʻOku fakamoʻoniʻi kiate au ʻe he Laumālié ko ʻenau ngaahi pōpoakí ko e ngaahi fakahā mo e finangalo ia ʻo ʻetau Tamai Hēvaní. ʻOku ou ʻilo kuó Ne ui ha kau palōfita ke tataki kitautolu ʻi he kuongá ni.
Sēmisi Lāsolo Kulusi, Filipaini
Haʻu ʻo Fakahaofi
Naʻe ongo kiate au ʻa e faleʻi ʻa Palesiteni Tōmasi S. Monisoni ki he Kāingalotú kotoa ke nau fakahaofi ʻa kinautolu ʻoku māmālohí. Ne u ongoʻi ʻa e ivi tākiekina ʻo e Laumālie Māʻoniʻoní tupu mei he pōpoaki ʻa e palōfitá.
Kilemo Vasikesi ʻOkamipou