Si Joseph Smith nagtudlo sa pamaagi sa Ginoo kabahin sa paggamit sa awtoridad sa priesthood.
41 Walay gahum o impluwensya nga makahimo o angay gayud nga magpadayon pinaagi sa hiyas sa pagkapari, gawas lamang sa pagdani, sa pagkamainantuson, sa kalumo ug kaaghup, ug sa tiunay nga paghigugma;
42 Pinaagi sa pagkamabination, ug putli nga kahibalo, diin makapadugang sa hilabihan sa kalag nga walay pagpakaaron-ingnon, ug walay pagpanglimbong—
43 Pagpanton sa tukma nga panahon uban ang tuman nga kahigpit, kon gidasig sa Espiritu Santo; ug dayon mopakita pagkahuman og dugang nga paghigugma ngadto kaniya kinsa inyong gipanton, basin pa unya siya moisip kanimo nga iyang kaaway.
Pagdani
Pagdani—pagdasig sa uban aron sa pagtuo o sa pagbuhat og mga butang pinaagi sa pangatarungan o pangamuyo kanila.
Pagkamainantuson
Pagkamainantuson—pailub.
Imahe
President Dieter F. Uchtdorf
“Ingon nga ang Ginoo mapailubon kanato, magmapailubon kita uban niadtong atong giserbisyuhan. Sabta nga sila, sama kanato, dili mga hingpit. Sila, sama kanato, makahimo og mga sayop. Sila, sama kanato, gusto nga maghunahuna kabahin sa uban sa positibo nga paagi.
“Ayaw gayud lung-i si bisan kinsa nga tawo. Ug kana naglakip nga dili gayud nato lung-an ang atong kaugalingon.”
Presidente Dieter F. Uchtdorf, Ikaduhang Magtatambag sa Unang Kapangulohan, “Ipadayon ang Pagpailub,” Liahona, Mayo 2010, 58.
Kalumo ug Kaaghup
Ania ang pipila ka butang nga gitudlo sa mga kasulatan mahitungod sa kalumo ug kaaghup:
Ang kaaghup usa ka timaan sa hugot nga pagtuo kang Kristo (tan-awa sa Moroni 7:39).
Ang kaaghup nagdala sa pagbisita sa Espiritu Santo (tan-awa sa Moroni 8:26).
Tiunay nga Paghigugma
Tiunay—tinuod; dili peke o pakaaron-ingnon.
Duna bay tawo nga nakapakita kaninyo og tinuoray nga paghigugma bag-ohay lang? Unsaon man ninyo sa pagpakita ang ingon niana nga matang sa gugma ngadto sa uban? Pagsulat mahitungod niini diha sa inyong journal.
Walay Pagpakaaron-ingnon, ug walay Pagpanglimbong
Pagpakaaron-ingnon—pagpakitang tawo pagpakita sa dili tinuod.
Pagpanlimbong—pagpanglingla; maliputon.
Pagpanton sa Tukma nga Panahon uban ang tuman nga Kahigpit
Pagpanton—pagkasaba o malumo nga pagkorihir; pagpahayag sa dili pag-uyon.
Tukma nga panahon—diha dayon; sayo; sa dili pa kaayo ulahi.
Kahigpit—kaklaro o katin-aw.
Kon gidasig sa Espiritu Santo
Imahe
President Henry B. Eyring
“Usa ka dinasig, mahigugmaong pagbadlong mahimong usa ka pagdapit ngadto sa panaghiusa. Ang kapakyas sa paghatag niini kon giaghat sa Espiritu mosangput sa panagbingkil.”
Presidente Henry B. Eyring, Unang Magtatambag sa Unang Kapangulohan, “Paghiusa,” Liahona, Sept. 2008, 6.