UaFaafesootai e le Mormon.org Toemamanuina ia Tagata o le Ekalesia ma Tagata Sailiili

Talu mai lona faatoa amataina i le 2001, ua fesoasoani le Mormon.org i tagata ia maua tali tuusao, ma faamaoni ia latou fesili e uiga i le Ekalesia. O na tali e aumai sao lava mai le laumua o le Ekalesia.

O le toefaaleleia talu ai nei o le Mormon.org e aofia ai—se toe mamanuina atoa lava—o loo ofoina mai ai pea le tele o tali ma se auala e faafesootai ai faifeautalai. Ao le taimi nei, e faafetai ai i se vaega fou o talaaga otooto o le tagata lava ia i le initoneti, o le tele o tali ua tuusao mai lava i tagata o le Ekalesia i le salafa o le lalolagi.

O e asiasi i le saite fou—lea o le a amata ona vaaia i isi gagana e ese mai le Igilisi i le ogatotonu o le 2011—o le a mafai ona faatulagaina le taiafe o talaaga otooto o le tagata lava ia o tagata lotu i le alii po o le tamaitai, tausaga, aganuu, tulaga faalelotu, ma isi e agavaa e sailia tagata o le Ekalesia e tutusa ma i latou. A i ai loa i luga o se itulau o talaaga otooto o le tagata lava ia, ua mafai loa e i latou o faaaogaina ona faitau ia molimau, fai nisi fesili, ma i nisi taimi, e fesootai ma isi tagata o le Ekalesia o loo i luga o Uepi saite o upegafesootai faaagafesootai. O lenei fesootaiga o taaga-a-tupulaga e mafai ai e tagata sailiili ona maua se vaaiga e le faatuatuaina e uiga i le Ekalesia.

“Pe a sailia e tagata le Initoneti mo faamatalaga, e sili atu lo latou talitonuina o manatu o a latou tupulaga nai lo mea e ta’u mai e se faalapotopotoga e uiga ia te ia lava, ae maise lava pe a oo i mea tau lotu faatulagaina,” na saunoa mai ai Elder Richard G. Hinckley, le Faatonu Aoao o le Matagaluega a Faifeautalai. “O le mafuaaga lena e matua taua ai lava talaaga otooto o le tagata lava ia o tagata o le ekalesia i le Mormon.org fou.”

Ua vaevaeina le Mormon.org fou i ni vaega autu se fa, e taulai atu uma lava i le aoaoina o se vaega faapitoa o le Ekalesia: Our People [O Tatou Tagata], Our Values [O Tatou Tulaga Faatauaina], Our Faith [O Lo Tatou Faatuatuaga], ma Frequently Asked Questions [O Fesili e Masani ona Fesiligia].

Our People [O Tatou Tagata]

O lenei vaega e maua ai talaaga otooto o le tagata lava ia o tagata lotu, e faatagaina ai tagata sailiili e aoao atili e uiga i le talalelei e ala i le “feiloai atu” ia i latou ua maua ni molimau o le talalelei toefuataiina.

“O le mea e tasi e fesoasoani ai i tagata ia le taliaina vaaiga sese e uiga i le Ekalesia o le pe afai lea latou te maua se avanoa e masani ai ma se Mamona,” o le tala lea a Ron Wilson, le pule o le Initoneti ma fefaatauaiga mo le Matagaluega a Faifeautalai. “Latou te iloa ai o mea le lelei atonu na latou faalogo ai e uiga i le Ekalesia e le ogatasi ma olaga o loo ola ai a latou uo Mamona.”

Our Values [O Tatou Tulaga Faatauaina]

O le vaega o Tatou Tulaga Faatauaina o loo aoao mai ai mea a tagata o le ekalesia o loo fai ona o se taunuuga o o latou talitonuga. Ua faamalamalama mai ai nisi o mea e faamuamua i le Ekalesia, e aofia ai galuega fesoasoani mo tagata, aiga, aoaoga, auaunaga, ma talafaasolopito o aiga. O lenei vaega e fesoasoani i tagata sailiili ia faafesootai aoaoga faavae o le Ekalesia ma auala o loo ola ai ona tagata.

Our Faith [O Lo Tatou Faatuatuaga]

O le vaega o le Our Faith [O Lo Tatou Faatuatuaga] ua tuuina mai ai aoaoga faavae autu o le Ekalesia. O mea uma lava i lenei vaega o le saite e mafai ona tali ai le fesili, “O le a le mea e talitonu i ai Mamona?” O loo maua foi i lenei vaega se faamatalaga mo isi itu o le saite. O e asiasi i le saite e mafai ona aoao e uiga i lo tatou faatuatuaga ia Iesu Keriso o lo tatou Faaola, le Toefuataiga o le talalelei, Iosefa Samita, le ata o le faaolataga, le Tusi a Mamona, ma isi mataupu.

Frequently Asked Questions [O Fesili e Masani ona Fesiligia]

E foafoaina e tagata o le Ekalesia le anotusi mo lenei vaega i le taliina lea o fesili i talaaga otooto o le tagata lava ia. Latou te taliina FMF ia latou lava upu, e fesoasoani ai i e asiasi i le saite e aoao e uiga i le Ekalesia mai ona tagata.

O le Mormon.org ua toe mamanuina o le a amata ona vaaia i isi gagana ua faaopoopo i le ogatotonu o le 2011.