Mau mana‘o tauturu no te pureraa pô utuafare
Te horo‘ahia’tu nei teie mau haapiiraa no te horo‘a ia outou i te tahi mau mana‘o. E nehenehe ta outou e faaau i te reira i ni‘a i to outou utuafare.
mau Haamaitairaa o te Hiero », api 12: A faaite i te hoê hoho‘a o te hiero. A tuu i hoê hoho‘a o te utuafare i te tahi a‘e pae i te hoho‘a o te hiero. A haapoto ai outou i te papa’îraa, a faanuu i te hoho‘a o te utuafare ia fatata atu i te hiero. A ani i te mau melo o te utuafare eaha to ratou mana‘o ia tae ana‘e te utuafare i te hiero. A tai‘o i te Parau Haapiiraa e te Parau Fafau 109:7–23, ma te imi i te tahi atu â mau rave‘a no te faaineine no te haere i te hiero e i te mau haamaitairaa e roaa mai na roto i te haereraa i te hiero. (A hi‘o atoa i te a‘oraa a Silvia H. Allred, « Hiero Mo‘a, Fafauraa Mo‘a », i roto i te amuiraa rahi no atopa 2008.)
«O vau ? E Tia‘i Mamoe i Ieseraela ? » api 30: A tai‘o i te tuhaa « Faaho‘i mai ia Ratou », e a aparau e nahea e ti‘a ai ia tatou ia riro ei tia‘i mamoe no vetahi ê. Ei faaohiparaa no te mau tamarii nainai, te taata o to’na taime, a tapuni e a imi ia vetahi ê mai te hoê tia‘i mamoe e imi i te mamoe mo‘e. A feruri i te taata ta outou e nehenehe e faaho‘i mai « i roto i te nana ». Opani na roto i te pureraa no te ani i te arata‘iraa no te tauturu ia ratou. (A hi‘o atoa i te a‘oraa a Elder Eduardo Gavarret, « Te Ho‘iraa i te Fare », i roto i te amuiraa rahi no atopa 2008.)
«Haamata na roto i te Pure », api 40: Haapoto i te mau mana‘o tumu o te parau papa‘i. A tai‘o faahou i te paratarafa matamua o te tuhaa ra « Te hoê Taata no te Paraparau ». A ani i te mau melo o te utuafare ia faaite i te mau taime a haapuaihia ai ratou na roto i te pure utuafare. No te haapapû i te faufaa o te pureraa no vetahi ê, a tai‘o i na paratarafa hopea e toru o te a‘oraa a Elder David A. Bednar, « A pure Tamau noa », i roto i te amuiraa rahi no atopa 2008.
« Te Tortilla Semeio », api H6: A tai‘o i te aamu, e a aparau i ni‘a i te mau titauraa ta te utuafare Raoul i faarerei a faaineine ai ratou e haere i te hiero. A feruri ia hamani te utuafare i te tortilla e aora râ, ia faanaho i te mau tuhaa no te hamaniraa i te tortillas, mai te taime tanuraa i te to popaa e tae roa’tu i te taime hooraa i te tortilla i te mau ratere. A opani na roto i te tai‘oraa i te faahitiraa parau a Elder Dennis B. Neuenschwander.