Mana‘o
Te mau Pahonoraa i Ta‘u mau Uiraa
Te oaoa nei au no teie ve‘a nehenehe roa e no te mau iteraa papû, te parau apî, te mau haamaramaramaraa no ni‘a i te mau papa‘iraa mo‘a, e te mau materia no te haapii i te mau haapiiraa i roto. E rave rahi taime, ia ui au i te mau uiraa no ni‘a i te Metua i te Ao ra, ua arata‘i te Varua Maitai ia‘u i roto i te Liahona, i reira to‘u iteraa i te mau pahonoraa i ta‘u mau uiraa. E farii oaoa vau i te mau ve‘a tata‘itahi.
Evgenija Samarskaja, no Rusia
Oaoa i te Iteraa i te Liahona
E mea au roa na‘u te Liahona, e e pae ta maua o ta‘u tane ve‘a i te taime hoê. Te faaohipa nei maua i te mau ve‘a hau ei horo‘a no te mau taata e ora ra i te tahi a‘e pae i ô maua. Ua parau mai te hoê taata i te tahi a‘e pae i ô maua e, ia ho‘i mai oia na te ohipa ua rohirohi e te pe‘ape‘a, e oaoa oia ia ite i te ve‘a i roto i ta’na afata rata. Ua ite au e, te mau mea atoa i roto i te ve‘a e mea faauruhia ïa – mai te mau parau poro‘i a te mau Hui Mana Faatere Rahi e tae roa’tu i te mau aamu no roto mai i te mau melo – e ia tai‘o ana‘e au i te reira, e roaa ia‘u te ite e te mau haamaitairaa e te tauturu nei te reira ia‘u ia faatupu i te here e te haroaroa i to‘u mau taata tupu.
Bertha Viola Rétiz Espino, Mexico